جس طرف دیکھئے گلشن میں بہار آئی ہے
دل مگر دشتِ مدینہ کا تمنّائی ہے
Jis taraf dekhiye gulshan mein bahar aayi hai
Dil magar dasht-e-Madina ka tumnai hai
خوشنما پھول گُلستاں میں کِھلے ہیں لیکن
میرا دل خارِ مدینہ ہی کا شیدائی ہے
Khushnuma phool gulistan mein khile hain lekin
Mera dil khaar-e-Madina hi ka shedai hai
مصطفٰے کی یہ عِنایت ہے کہ میرے دل میں
گنبدِ سبز کی تصویر اُتر آئی ہے
Mustafa ki ye inayat hai ke mere dil mein
Gunbad-e-sabz ki tasveer utar aayi hai
جب کبھی جس نے بھی پائی ہے جہاں کی نعمت
آپ کے دستِ کرم ہی سے شہا پائی ہے
Jab kabhi jis ne bhi payi hai jahan ki nemat
Aap ke dast-e-karam hi se shaha payi hai
آہ! مجبور پہ ناچار پہ رنج و غم کی
چار جانِب سے شہا! کالی گھٹا چھائی ہے
Aah! majboor pe nachaar pe ranj o gham ki
Chaar janib se shaha! kali ghata chhayi hai
دے دے مولا! غمِ سلطانِ مدینہ دیدے
لب پہ رہ رہ کے یہی ایک دُعا آئی ہے
De de Moula! gham-e-sultan-e-Madina dede
Lab pe reh reh ke yehi aik dua aayi hai
جب تڑپ کر دِلِ غمگیں نے پُکارا آقا!
فوراً اِمداد شہا آپ نے فرمائی ہے
Jab tadap kar dil-e-ghamgeen ne pukara aaqa!
Foran imdad shaha aap ne farmai hai
کر دو سَیراب دِل تِشنہ کو اب تو ساقی!
شربتِ دِید کا مدّت سے تمنّائی ہے
Kar do sairab dil tishna ko ab to saqi!
Sharbat-e-deed ka muddat se tumnai hai
گُھپ اندھیرا تھا گناہوں کا میں صدقے جاؤں
لَحد خود آ کے مری نُور سے چمکائی ہے
Ghup andhera tha gunaahon ka mein sadqe jaoun
Lahad khud aa ke meri noor se chamkai hai
نَزع میں ، قَبر میں ، مِیزانِ عمل اور پُل پر
ہر جگہ آپ کی نسبت ہی تو کام آئی ہے
Na'z mein, qabr mein, meezan-e-amal aur pul par
Har jagah aap ki nisbat hi to kaam aayi hai
سُنّتیں شاہِ مدینہ کی تُو اپنائے جا
دونوں عالَم کی فَلاح اِس میں مِرے بھائی ہے
Sunnatain shah-e-Madina ki tu apnaye ja
Dono aalam ki falah is mein mere bhai hai
مال و دولت کی ہَوَس دِل سے مٹادے یارب
سوزِ سرکار کا عطّارؔ تمنّائی ہے
Maal o daulat ki havas dil se mitade Ya Rab
Soz-e-Sarkar ka Attar tumnai hai
Share This Naat
Share with friends and family
جس طرف دیکھئے گلشن میں بہار آئی ہے
الیاس عطار قادری