جس کو حاصل ہیں غمِ ساقیٔؐ کوثر کے مزے
اُس کی تقدیر میں ہیں رحمتِ داور کے مزے
Jis ko hasil hain gham-e-Saqi-e-Kausar ke maze
Us ki taqdeer mein hain rehmat-e-Dawar ke maze
کسی نظّارے کا لُطف اُس کو ، نہ منظر کے مزے
جس کی نظروں کو مِلے اُس رُخِ انور کے مزے
Kisi nazzaare ka lutf us ko, na manzar ke maze
Jis ki nazron ko mile us rukh-e-anwar ke maze
دیکھتا رہتا ہے ہر دَم ترے ماتھے کی شکن
آئینہ لُوٹ رہا ہے ترے تیور کے مزے
Dekhta rehta hai har dam tere maathay ki shikan
Aaina loot raha hai tere tewar ke maze
آئی گردش میں کچھ اِس شان سے چشمِ رحمت
میکدہ بھُول گیا بادہ و ساغر کے مزے
Aayi gardish mein kuch is shaan se chashm-e-rehmat
Maikada bhool gaya bada o saghar ke maze
گرتے پڑتے درِ سرکارؐ تک آپہنچا ہے
ہم سے پوچھے کوئی اک طائرِ بے پر کے مزے
Girte parte dar-e-Sarkar tak aapohuncha hai
Hum se pooche koi ek tair-e-bay par ke maze
اُن کی زلفوں سے جو مِل جائے مہکتی خیرات
بھُول جائے یہ سبا بوئے گُلِ تر کے مزے
Un ki zulfon se jo mil jaye mehakti khairaat
Bhool jaye ye saba bo-e-gul-e-tar ke maze
اُس کو پھر اور کوئی مرتبہ درکار نہیں
جس کی قسمت میں لکھے جائیں ترے دَر کے مزے
Us ko phir aur koi martaba darkar nahi
Jis ki qismat mein likhe jayein tere dar ke maze
کیا کہیں، راہِ مدینہ ہے مقّدس کتنی
بھُولتے ہی نہیں اِس جادۂ اطہر کے مزے
Kya kahen, raah-e-Madina hai muqaddas kitni
Bhoolte hi nahi is jadah-e-athar ke maze
اِن کی منزل بھی مدینہ ہے، وطن بھی ہے یہی
ہیں یہاں آلِؓ محمدؐ کے لیے گھر کے مزے
In ki manzil bhi Madina hai, watan bhi hai yehi
Hain yahan aal-e-Muhammad ke liye ghar ke maze
سجدۂ شوق کا ارمان اُدھر لے پہنچا
اُن کے در پر ہیں نصیرؔ اب تو مِرے سَر کے مزے
Sajda-e-shauq ka armaan udhar le pohancha
Un ke dar par hain Naseer ab to mere sar ke maze
Share This Naat
Share with friends and family
جس کو حاصل ہیں غمِ ساقیٔؐ کوثر کے مزے
سید نصیرالدیں نصیر