جس کی منزل بھی درِ سیدِ ابرارؐ نہیں
ہو گا انسان مگر وہ مرا دلدار نہیں
Jis ki manzil bhi dar-e-sayyid-e-abrarؐ nahi
Ho ga insaan magar woh mera dildar nahi
صرف دنیا میں نہیں حشر کے دن بھی لوگو
دامنِ سرورِ عالم کسے درکار نہیں
Sirf duniya mein nahi hashr ke din bhi logo
Daaman-e-sarwar-e-aalam kise darkaar nahi
روح بھی اپنی درودوں سے معطر رکھنا
چند آنسو تو وہاں قرب کا معیار نہیں
Rooh bhi apni duroodon se muattar rakhna
Chand aansoo toh wahan qurb ka miyar nahi
در بدر قریہ بہ قریہ ہی پھرے گی دانش
مرکزِ فکر اگر کوچہِ سرکارؐ نہیں
Dar badar qaryah ba qaryah hi phire gi danish
Markaz-e-fikr agar koocha-e-sarkarؐ nahi
اُنکے قدمین کا صدقہ ہے یہ ساری رونق
ورنہ دنیا تری قسمت میں تو انوار نہیں
Unke qadmain ka sadqa hai yeh saari raunaq
Warna duniya teri kismet mein toh anwaar nahi
نسبتِ سرورِ کونینؐ کا وہ نام نہ لے
لہجے کی تلخی پہ جو شخص بھی مختار نہیں
Nisbat-e-sarwar-e-kainaatؐ ka woh naam na le
Lehjay ki talkhi pe jo shakhs bhi mukhtar nahi
ہر کڑے وقت میں اُنکا ہے تصور مرہم
اُنکی چاہت ہے تو پھر جینا بھی دشوار نہیں
Har kare waqt mein unka hai tasawwur marham
Unki chahat hai toh phir jeena bhi dushwaar nahi
تیری نسبت پہ فقط ناز ہے آقائے شکیلؔ
بن تمہارے مرا کوئی بھی طرفدار نہیں
Teri nisbat pe faqat naaz hai aaqa-e-shakeelؔ
Ban tumhare mera koi bhi tarfdar nahi
Share This Naat
Share with friends and family
جس کی منزل بھی درِ سیدِ ابرارؐ نہیں
محمد شکیل نقشبندی