جن کو نوازا آپ نے ، سُلطان ہو گئے
طلحہ ، بلال و بُوذر و سلمان ہو گئے
Jin ko nawaza aap ne, Sultan ho gaye
Talha, Bilal o Buzar o Salman ho gaye
بس آپ کی نگاہ کے پڑنے کی دیر تھی
’’جو پُر خطر تھے راستے آسان ہو گئے‘‘
Bas aap ki nigah ke parhne ki der thi
"Jo pur khatar the raste aasan ho gaye"
سرکار کے وہ سایۂ شفقت میں آ گئے
اک بار جو مدینے میں مہمان ہو گئے
Sarkar ke wo saya-e-shafqat mein aa gaye
Ik bar jo Madine mein mehman ho gaye
کانٹے جو آئے راہ میں ،تیرے قدوم سے
ایسا ہوا کہ سُنبل و ریحان ہو گئے
Kante jo aaye rah mein, tere qudoom se
Aisa hua ke sunbal o raihan ho gaye
دار و رسن پہ جُھول کے سارے اَمَر ہوئے
نامُوسِ مُصطفیٰ پہ جو قربان ہو گئے
Daar o rasan pe jhool ke saare amar hue
Namooos-e-Mustafa pe jo qurban ho gaye
جن کے رہے ہیں شعر و سخن وقفِ نعت بس
فردِ قبیلِ جامی و حسّان ہو گئے
Jin ke rahe hain she'r o sakhan waqf-e-naat bas
Fard-e-qabeel-e-Jaami o Hassaan ho gaye
عقل و خرد پہ جن کو بڑا ناز تھا جلیل
ٹکڑے قمر کے دیکھ کے حیران ہو گئے
Aqal o khirad pe jin ko bara naaz tha Jaleel
Tikre qamar ke dekh ke hairan ho gaye
Share This Naat
Share with friends and family
جن کو نوازا آپ نے ، سُلطان ہو گئے
حافظ عبدالجلیل