جن کا شیوہ ہے بندہ نوازی ہے سخی جن کا سارا گھرانہ
آرہے ہیں وہ دیکھو محمدؐ بانٹنے رحمتوں کا خزانہ
Jin ka shewa hai banda nawazi hai sakhi jin ka sara gharana
Aarahay hain woh dekho Muhammad ﷺ baantnay rehmaton ka khazana
ربط ہے جس کو عشقِ نبیؐ سے رشکِ جنّت ہے وہ بیقراری
ہر تڑپ اک پیامِ سکوں ہے زندگی بن گئی ہے ترانہ
Rabt hai jis ko ishq-e-Nabi ﷺ se rashk-e-jannat hai woh beqarari
Har tarap ek peyam-e-sakoon hai zindagi ban gayi hai tarana
اشک بہتے ہیں ہجرِ نبیؐ میں لطف کچھ بھی نہیں زندگی میں
مسکرائیں گے جس روز ہوگا قافلہ سوئے طیبہ روانہ
Ashk behte hain hijr-e-Nabi ﷺ mein lutf kuch bhi nahin zindagi mein
Muskuraenge jis roz hoga qafila sooye Taiba rawana
ا ک نگاہِ کرم یا محمدؐ بے سہارا ہیں ہم یا محمدؐ
آپؐ ہی سب کے فریاد رس ہیں آپؐ سنتے ہیں غم کا فسانہ
Ek nigah-e-karam ya Muhammad ﷺ be-sahara hain hum ya Muhammad ﷺ
Aap ﷺ hi sab ke faryaad ras hain aap ﷺ sunte hain gham ka fasana
بے بسی نے جہاں بھی گرایا آکے سرکارؐ نے خود اٹھایا
ان کو جلوہ دکھانا تھا اپنا بے بسی بن گئی اک بہانہ
Be-basi ne jahan bhi giraya aake Sarkar ﷺ ne khud uthaya
Un ko jalwa dikhana tha apna be-basi ban gayi ek bahana
اتنا کامل ہو ذوقِ محبت اتنا پختہ ہو رنگِ عقیدت
سر جھکائیں جہاں بھی ادب سے روبرو ہو وہی آستانہ
Itna kamil ho zouq-e-muhabbat itna pukhta ho rang-e-aqidat
Sar jhukayen jahan bhi adab se rubaru ho wohi aastana
وہ عطا پر عطا کر رہے ہیں رات دن جھو لیاں بھر رہے ہیں
ان کے ٹکڑوں پہ سب پل رہے ہیں انکا محتاج ہے سب زمانہ
Woh ata par ata kar rahe hain raat din jholiyan bhar rahe hain
Un ke tukron pe sab pal rahe hain unka mohtaj hai sab zamana
آفتاب ِ قیامت کی گرمی ہم پہ خالدؔ اثر کیا کرے گی
ہم ہیں انکے ہمارے سروں پر ان کی رحمت کا ہے شامیانہ
Aftaab-e-qayamat ki garmi hum pe Khalid asar kya karegi
Hum hain unke humaray saron par un ki rehmat ka hai shamiyana
۔۔۔۔
۔۔۔۔
Share This Naat
Share with friends and family
جن کا شیوہ ہے بندہ نوازی
خالد محمود خالد