اللہ نے حِرا میں بٹھایا ہے آپ کو
قرآن کا بھی نور نوازا ہے آپ کو
Allah ne Hira mein bithaya hai aap ko
Quraan ka bhi noor nawaza hai aap ko
جس نے بھی دیکھا آپ کو ، تکتا ہی رہ گیا
کتنا حَسین رب نے بنایا ہے آپ کو
Jis ne bhi dekha aap ko, takta hi reh gaya
Kitna haseen Rab ne banaya hai aap ko
جلوہ کہ جس کی خواہشیں کرتے رہے کلیم
جلوہ وہ خود خدا نے دِکھایا ہے آپ کو
Jalwa ke jis ki khwahishein karte rahe Kaleem
Jalwa woh khud Khuda ne dikhaya hai aap ko
جبریل جیسے نوری جہاں تک نہ جا سکے
رتبہ وہ رب کریم نے بخشا ہے آپ کو
Jibreel jaise noori jahan tak na ja sake
Rutba woh Rab Kareem ne bakhsha hai aap ko
اُمّت کو وہ بچائے گا دوزخ کی آگ سے
مُژدہ خُدا نے اِس کا سُنایا ہے آپ کو
Ummat ko woh bachaye ga dozakh ki aag se
Mujda Khuda ne is ka sunaya hai aap ko
کِس کی ہے پِھر مجال کہ تنقیص کر سکے
رُتبے میں جب خُدا نے بڑھایا ہے آپ کو
Kis ki hai phir majaal ke tanqees kar sake
Rutbe mein jab Khuda ne barhaya hai aap ko
نسلِ یزید روئے گی اُس ظُلم پر سدا
جو کربلا میں ڈھا کے رُلایا ہے آپ کو
Nasal-e-Yazid roye gi us zulm par sada
Jo Karbala mein dha ke rulaya hai aap ko
عفو و کرم جلیل کیا اس کے ساتھ بھی
جس نے کہ ساری عُمر ستایا ہے آپ کو
Afu o karam jaleel kiya us ke saath bhi
Jis ne ke saari umr sataya hai aap ko
Share This Naat
Share with friends and family
اللہ نے حِرا میں بٹھایا ہے آپ کو
حافظ عبدالجلیل