میں کہ سگِ بلال ہوں ، مجھ پہ اندھیر چھائے کیوں
واصفِ بے ظِلال ہوں مجھ پہ ہوں غم کے سائے کیوں ؟
Main keh sag-e-Bilal hoon, mujh pe andher chhaye kyun
Wasif-e-be-zilal hoon mujh pe hon gham ke saaye kyun?
وصفِ لبِ حضور سے رشکِ گلاب ہے سخن
فن ہے بہارِ نعت میں ، اس پہ خزاں پھر آئے کیوں ؟
Wasf-e-lab-e-Huzoor se rashk-e-gulab hai sukhn
Fan hai bahar-e-naat mein, is pe khazan phir aaye kyun?
جذبِ دروں کی خیر ہو ، شوقِ فزوں کی خیر ہو
ذوق جنوں کی خیر ہو ،کوئی انہیں بُھلائے کیوں ؟
Jazb-e-daroon ki khair ho, shoq-e-fuzoon ki khair ho
Zauq junoon ki khair ho, koi inhein bhuulaye kyun?
شرم سے کیوں ہوں آب آب ، کیسا سوال کیا جواب ؟
جب ہیں شفیع آنجناب ، خوفِ سزا ستائے کیوں ؟
Sharm se kyun hon aab aab, kaisa sawal kya jawab?
Jab hain shafi anjanab, khauf-e-saza sataaye kyun?
تیرِ نگہ کے سامنے آہوئے قدر ڈھیر ہے
چاند نہ ٹوٹ جائے کیوں ؟ مہر نہ لوٹ آئے کیوں ؟
Teer-e-nigah ke samne aahoye qadar dheir hai
Chaand na toot jaaye kyun? Mehr na loot aaye kyun?
پیشِ خضر کلیم کو اذنِ سوال ہی نہیں
پیر کے فعل پر مرید دل میں کبھی نہ لائے " کیوں ؟
Pesh-e-Khizr Kaleem ko izn-e-sawal hi nahin
Peer ke f‘al par mureed dil mein kabhi na laaye "kyun?"
جب اے معظمؔ تہی ، بحرِ کمال ہیں نبی
کاسئہ حرف میں کبھی ان کی ثنا سمائے کیوں ؟
Jab ai Muazzam tehi, bahr-e-kamal hain Nabi
Kasae-harf mein kabhi un ki sana samaaye kyun?
Share This Naat
Share with friends and family
میں کہ سگِ بلال ہوں
معظم سدا معظم مدنی