جہڑے سجن اپنے سجناں دا وچہ دل دے نقش پکا لیندے
اوہ خود نوں بیٹھ کے دھرتی تے لاہوت دی سیر کرا لیندے
Jheray sajan apne sajnan da wicha dil de naqsh paka linday
Oh khud nu baith ke dharti te lahut di sair kara linday
خالق نے اپنے بندیاں نوں اک خاص تصرف دتا اے
جس وقت وی چاہون گھر بیٹھے ہر شے نوں کول بلا لیندے
Khalq ne apne bandiyan nu ik khaas tasaraf dta ay
Jis waqt wi chahun ghar baithay har shay nu kol bula linday
یاراں نال یار جے رُس جاون جے پیر وی ویہڑے نہ پاون
یاراں نوں یار مناون لئی پیراں وچہ گھنگرو پالیندے
Yaraan naal yaar je rus javan je peer wi vehre na paavan
Yaraan nu yaar manavan layi peeraan wicha ghanghru palinday
دنیا دے دارو رہن دیو سانوں ہجر دے صدمے سہن دیو
جہڑے ہون مریض محبت دے بن دید نہ ہور دوا لیندے
Duniya de daro rehn deo sanu hijar de sadmay segan deo
Jheray hon mareez mohabbat de ban deed na hor dawa linday
ولی نال نظر دے ول کر دے نئیں کمی چوڑی گل کر دے
اللہ دے بندے بندیاں نوں اللہ دے نال ملا لیندے
Wali naal nazar de wal kar de nai kami churi gal kar de
Allah de banday bandiyan nu Allah de naal mila linday
جہڑا سجناں کولوں وکھ رہندا اوہدی کلی دائیں ککھ رہندا
اونہاں دا رب وی رُس جاندا کر یار نوں جہڑے خفا لیندے
Jhera sajnan kolon wakh rehnda ohdi kali dan kakh rehnda
Unhan da rab wi rus janda kar yaar nu jheray khafa linday
جدوں سر تے او کسڑ پیندی اے جدوں ہجر ستاوند سجناں دا
سنیاں ایں نیازی یاراں دے یار آ کے درد ونڈا لیندے
Jedon sar te oh kasad peendi ay jedon hijar sataund sajnan da
Suniya ay Niazi yaraan de yaar aa ke dard wanda linday
Share This Naat
Share with friends and family
جہڑے سجن اپنے سجناں دا وچہ دل دے نقش پکا لیندے
عبدالستار نیازی