جذبہ ِ عشق ِ سرکارؐ کام آگیا ان کا احسان ہے حاضری ہوگئی
بے طلب دامن ِ آرزو بھر گیا پوری ہر ایک اپنی خوشی ہوگئی
Jazba-e-ishq-e-sarkarؐ kaam aa gaya un ka ehsan hai haazri ho gayi
Be talabb daman-e-aarizu bhar gaya puri har aik apni khushi ho gayi
ہجر کی ظلمتوں میں سحر ہوگئی دور آفاق سے تیرگی ہوگئی
سبز گنبد پہ قرباں نظر جب ہوئی ہر حجاب اٹھ گیا روشنی ہوگئی
Hijr ki zulmaton mein sehar ho gayi door aafaq se teeragi ho gayi
Sabz gunbad pe qurban nazar jab hui har hijab uth gaya roshni ho gayi
کیا بتاؤں میں آقاؐ کے لطف و کرم کیا بیاں ہو کرم کا خدا کی قسم
انکی رحمت نے اتنا نوازا مجھے ہر طلب سے طبیعت غنی ہوگئ
Kya bataoon mein aqaؐ ke lutf o karam kya bayaan ho karam ka khuda ki qasam
Unki rehmat ne itna nawaza mujhe har talabb se tabiyat ghani ho gayi
انکے در سے شفاعت کی پائی سند میری ہستی کا حاصل ہیں وہ ساعتیں
سایہِ دامنِ مصطفؐےٰ مل گیا پاک ہر عیب سے زندگی ہو گئی
Unke dar se shafaat ki payi sanad meri hasti ka haasil hain wo saaten
Saaya-e-daman-e-Mustafaؐ mil gaya paak har aib se zindagi ho gayi
بندگی آشنا بندگی سے نہ تھی نسبتِ خاص کچھ روشنی سے نہ تھی
انکے قدموں میں جب میں نے سر رکھ دیا میری ہستی کی معراج بھی ہوگئی
Bandagi aashna bandagi se na thi nisbat-e-khaas kuch roshni se na thi
Unke qadmon mein jab mein ne sar rakh diya meri hasti ki miraaj bhi ho gayi
شرمِ عصیاں لئے انکے در پر گئے زخم جتنے تھے دل کے وہ سب بھر گئے
جھوم کر ابرِ رحمت برسنے لگا دور سب روح کی تشنگی ہوگئی
Sharm-e-isyar liye unke dar par gaye zakhm jitne thay dil ke wo sab bhar gaye
Jhoom kar abr-e-rehmat barasne laga door sab rooh ki tishnagi ho gayi
مل گئی مل گئی دل کو تابندگی سر مدی کیف میں کھو گئی زندگی
انکے در سے نظر جب سے ہٹتی نہیں بندگی بھی مری بندگی ہوگئی
Mil gayi mil gayi dil ko taabangi sar madi kaif mein kho gayi zindagi
Unke dar se nazar jab se hatt-ti nahi bandagi bhi meri bandagi ho gayi
جان شانِ کریمی پہ قربان ہے ہم فقیروں کا خالدؔ یہ ایمان ہے
بے نیازِ دو عالم اسے کر دیا جسکی جانب نظر آپکی ہوگئی
Jaan shan-e-kareemi pe qurban hai hum faqiron ka Khalidؔ ye imaan hai
Be niyaaz-e-do aalam ise kar diya jiski janib nazar aap ki ho gayi
Share This Naat
Share with friends and family
جذبہ ِ عشق ِ سرکارؐ کام آگیا
خالد محمود خالد