سب سے اَولیٰ و اعلیٰ ہمَارا نبی
سب سے بالا و وَالا ہمَارا نبی
Sab se a'laa o a'laa hamara Nabi
Sab se baala o wala hamara Nabi
اپنے مولیٰ کا پیارا ہمَارا نبی
دونوں عالَم کا دُولہا ہمَارا نبی
Apne Maula ka piara hamara Nabi
Dono aalam ka dulha hamara Nabi
بزمِ آخر کا شمع فَروزاں ہوا
نُورِ اوّل کا جلوہ ہمَارا نبی
Bazm e aakhir ka sham'a farozan hua
Noor e awwal ka jalwa hamara Nabi
جس کو شایاں ہے عرشِ خدا پر جلوس
ہے وہ سلطانِ والا ہمَارا نبی
Jis ko shayaan hai 'arsh e Khuda par juloos
Hai woh Sultan e wala hamara Nabi
بُجھ گئیں جس کے آگے سبھی مشعلیں
شمع وہ لے کر آیا ہمَارا نبی
Bujh gaeen jis ke aage sabhi mash'alain
Sham'a woh le kar aaya hamara Nabi
جس کے تلووں کا دھووَن ہے آبِ حیات
ہے وہ جانِ مسیحا ہمَارا نبی
Jis ke talwon ka dhuwan hai aab e Hayaat
Hai woh jaan e Maseeha hamara Nabi
عرش و کرسی کی تھیں آئینہ بندیاں
سُوئے حق جب سدھارا ہمَارا نبی
'Arsh o Kursi ki theen aaniyah bandiyan
Sooe Haq jab sidhara hamara Nabi
خلق سے اَولیا اَولیا سے رُسل
اور رَسولوں سے اَعلیٰ ہمَارا نبی
Khalq se Awliya awliya se rusul
Aur Rasoolon se a'laa hamara Nabi
حسن کھاتا ہے جس کے نمک کی قسم
وہ مَلیحِ دِل آرا ہمَارا نبی
Husan khata hai jis ke namak ki kasam
Woh Maliyah dil aara hamara Nabi
ذِکر سب پھیکے جب تک نہ مذکور ہو
نمکین حسن والا ہمَارا نبی
Zikr sab pheekay jab tak na mazkoor ho
Namakain husn wala hamara Nabi
جس کی دو بُوند ہیں کوثر و سلسبیل
ہے وہ رحمت کا دریا ہمَارا نبی
Jis ki do boond hain Kausar o Salsabeel
Hai woh Rahmat ka dariya hamara Nabi
جیسے سب کا خدا ایک ہے ویسے ہی
ان کا اُن کا تمہارا ہمَارا نبی
Jaise sab ka Khuda aik hai waise hi
Inka unka tumhara hamara Nabi
قرنوں بدلی رَسولوں کی ہوتی رہی
چاند بدلی کا نکلا ہمَارا نبی
Qarnon badli Rasoolon ki hoti rahi
Chaand badli ka nikla hamara Nabi
کون دیتا ہے دینے کو منھ چاہیے
دینے والا ہے سچا ہمَارا نبی
Kaun deta hai dene ko munh chahiye
Dene wala hai sachcha hamara Nabi
کیا خبر کتنے تارے کِھلے چھپ گئے
پر نہ ڈُوبے نہ ڈُوبا ہمارا نبی
Kya khabar kitne tare khile chhup gaye
Par na doobay na dooba hamara Nabi
مُلکِ کونین میں اَنبیا تاجدار
تاجداروں کا آقا ہمَارا نبی
Mulk e Konain mein Ambiya tajdaar
Tajdaroon ka aaqa hamara Nabi
لامکاں تک اُجالا ہے جس کا وہ ہے
ہر مکاں کا اُجالا ہمَارا نبی
La makaan tak ujala hai jis ka woh hai
Har makaan ka ujala hamara Nabi
سارے اچھّوں میں اچھّا سَمَجھیے جسے
ہے اُس اچھّے سے اچھّا ہمَارا نبی
Saare achon mein achcha samjhiye jise
Hai us achche se achcha hamara Nabi
سارے اُونچوں میں اُونچا سمجھیے جسے
ہے اُس اُونچے سے اُونچا ہمَارا نبی
Saare oonchhon mein ooncha samjhiye jise
Hai us oonche se ooncha hamara Nabi
انبیا سے کروں عرض کیوں مالکو!
کیا نبی ہے تمہارا ہمَارا نبی
Ambiya se karun arz kyun maliko!
Kya Nabi hai tumhara hamara Nabi
جس نے ٹکڑے کیے ہیں قمر کے وہ ہے
نُورِ وَحدت کا ٹکڑا ہمَارا نبی
Jis ne tukre kiye hain qamar ke woh hai
Noor e wahdat ka tukra hamara Nabi
سب چمک والے اُجلوں میں چمکا کیے
اندھے شیشوں میں چمکا ہمَارا نبی
Sab chamak wale ujloon mein chamka kiye
Andhe sheeshon mein chamka hamara Nabi
جس نے مُردہ دِلوں کو دی عمر اَبد
ہے وہ جانِ مسیحا ہمَارا نبی
Jis ne murda dilon ko di umr abad
Hai woh jaan e Maseeha hamara Nabi
غمزدوں کو رضاؔ مژدہ دیجے کہ ہے
بیکسوں کا سہَارا ہمَارا نبی
Ghamzadgon ko Raza moshda deeje k hay
Bekason ka sahara hamara Nabi
Share This Naat
Share with friends and family
سب سے اَولیٰ و اعلیٰ ہمَارا نبی
احمد رضا خان بریلوی