جہانِ فتنہ و شر میں وہ گونجا خطبۂ خیر
ظلامِ ظلم و ستم میں وہ چمکا جلوۂ خیر
Jahan-e-Fitna o shar mein wo goonja khutba-e-Khair
Zalam-e-zulm o sitam mein wo chamka jalwa-e-Khair
افق افق پہ ہے اب بھی وہ روشنی کی دلیل
شبِ ربیع جو ابھرا تھا ایک لمعۂ خیر
Ufaq ufaq pe hai ab bhi wo roshni ki daleel
Shab-e-Rabi jo ubhra tha aik lma-e-Khair
جہانِ زیر و زبر میں وہ کلمۂ تمجید
بلا کے قحطِ صدا میں قسیمِ جذبۂ خیر
Jahan-e-Zer o Zabar mein wo kalma-e-Tamjeed
Bala ke qaht-e-sada mein qaseem-e-jazba-e-Khair
فلاحِ نوعِ بشر ہے انہی کے در سے جڑی
ہے خیر بارِ دوعالم انہی کا اسوۂ خیر
Falah-e-noush-e-bashar hai unhi ke dar se juri
Hai khair bar-e-do aalam unhi ka uswa-e-Khair
چلو چلو کہ شہِ دو سرا کی رہ پہ چلیں
نشانِ فوز وہی ہیں وہی ہیں قدوۂ خیر
Chalo chalo ke shah-e-do sira ki raah pe chalen
Nishan-e-foz wahi hain wahi hain qodwa-e-Khair
رجالِ خیر بھی کرتے ان کے در کا طواف
وہی ہیں جانِ محبت وہی ہیں کعبۂ خیر
Rijal-e-Khair bhi karte unke dar ka tawaf
Wahi hain jaan-e-mohabbat wahi hain Ka'ba-e-Khair
انہی کا قول ہے فیصل، عمل انہی کا ہے تام
کتاب ان کی ہدایت وہی صحیفۂ خیر
Unhi ka qoul hai faisal, amal unhi ka hai taam
Kitaab unki hidayat wahi saheefa-e-Khair
بلند بخت تھے انساں جو ان کے ساتھ رہے
خوشا وہ عصرِ منوّر زہے زمانۂ خیر
Buland bakht the insan jo unke saath rahe
Khusha wo asar-e-munawwar zahe zamana-e-Khair
ظفر ازل سے ہے خانہ زادِ آلِ عبا
رہے گا تا بہ ابد ہی گلے میں حلقۂ خیر
Zafar azal se hai khana zaad-e-Aal-e-Aba
Rahe ga ta ba abad hi gale mein halqa-e-Khair
Share This Naat
Share with friends and family
جہانِ فتنہ و شر میں وہ گونجا خطبۂ خیر
محمد ظفراقبال نوری