جب کبھی جانبِ سرکارِ مدینہ دیکھا
مَیں نے دیدارِ خدا کا بھی قرینہ دیکھا
Jab kabhi janib-e-Sarkar-e-Madina dekha
Main ne deedar-e-Khuda ka bhi qareena dekha
دِل ِ بینا ہو تو سرکار کا دَر دُور نہیں
آنکھ والوں نے جہاں چا ہا مدینہ دیکھا
Dil-e-beena ho to Sarkar ka dar door nahi
Aankh walon ne jahan chaha Madina dekha
لاج رکھ لی تِری رحمت نے گنہگاروں کی
شرمِ عصیاں کا جو ما تھے پہ پسینہ دیکھا
Laaj rakh li teri rehmat ne gunahgaaron ki
Sharm-e-isyaan ka jo maathay pe paseena dekha
عِشقِ سرکار میں مَر مَر کے جئے جاتے ہیں
اُن کے عُشاق کے جینے کا قرینہ دیکھا
Ishq-e-Sarkar mein mar mar ke jiye jaate hain
Unke ushshaaq ke jeene ka qareena dekha
مِل گیا جِس کو مدینے کی گدائی کا شرف
اُس کی جھُولی میں دُوعالم کا خزینہ دیکھا
Mil gaya jis ko Madine ki gadayi ka sharaf
Uski jholi mein do aalam ka khazeena dekha
یہ بھی ہے مُعجزۃِ عِشقِ رسوؐلِ اکرم
دُور رہ کر بھی مِرے دِل نے مدینہ دیکھا
Ye bhi hai mojiza-e-ishq-e-Rasool-e-Akram
Door reh kar bhi mere dil ne Madina dekha
مُجھ سے کہتی ہے مِری حَسرتِ دیدارِ طلب
تو نے کیا دیکھا جو خالِدؔ نہ مدینہ دیکھا
Mujh se kehti hai meri hasrat-e-deedaar-e-talab
Tu ne kya dekha jo Khalid na Madina dekha
Share This Naat
Share with friends and family
جب کبھی جانبِ سرکارِ مدینہ دیکھا
خالد محمود خالد