جب ہجرِ طیبہ نے مُجھے مضطر بنا دیا
مَیں نے بھی چشمِ تر کو سمندر بنا دیا
Jab hijr-e-tayba ne mujhe muztar bana diya
Main ne bhi chashm-e-tar ko samandar bana diya
اے جانِ گلستاں مُجھے دیدار ہو نصیب
آنکھوں کو تیرے غم نے گُلِ تر بنا دیا
Ae jaan-e-gulistan mujhe deedaar ho naseeb
Aankhon ko tere gham ne gul-e-tar bana diya
زندانِ غم میں تیری شعاعِ خیال نے
دیوار میں شگاف کیا دَر بنا دیا
Zindaan-e-gham mein teri shua-e-khayaal ne
Deewaar mein shagaaf kiya dar bana diya
ساری ازل ابد کی بہاریں سمیٹ کر
ربِّ جمیل نے ترا پیکر بنا دیا
Saari azal abad ki bahaaren sameit kar
Rab-e-jameel ne tera paikar bana diya
تیرے رُخِ مبیں سے کرن لے کے مستعار
سُورج بنا دیا مہِ انور بنا دیا
Tere rukh-e-mubin se karan le ke musta'ar
Sooraj bana diya mah-e-anwar bana diya
تخلیق کی گئی ترے انفاس سے ہَوا
خوشبوؤں سے گُلابِ معطّر بنا دیا
Takhleeq ki gayi tere anfaas se hawa
Khushboo'on se gulaab-e-mu'attar bana diya
کِن پتّھروں کو تُو نے کیا آئِنہ مثال
کِن آئِنوں کو صاحبِ جوہر بنا دیا
Kin pattharon ko tu ne kiya aa'ina misaal
Kin aa'inon ko sahib-e-jauhar bana diya
راتوں کو نفی کر کے ہماری حیات سے
صُبحوں کو آدمی کا مقدّر بنا دیا
Raaton ko nafi kar ke hamari hayaat se
Subhoon ko aadmi ka muqaddar bana diya
مَیں جیسا بننا چاہتا تھا تیرے لُطف نے
مُجھ کو مِرے خیال سے بہتر بنا دیا
Main jaisa ban'na chahta tha tere lutf ne
Mujh ko mere khayaal se behtar bana diya
دولت عطا ہُوئی مُجھے فقرِ غیور کی
شاہوں کو مُجھ فقیر سے کمتر بنا دیا
Daulat ata hui mujhe faqr-e-ghayoor ki
Shaahon ko mujh faqeer se kamtar bana diya
میری روش غبارِ پسِ کارواں تھا مَیں
تیرا کرم غبار کو شہپر بنا دیا
Meri rawish ghubaar-e-pas-e-kaarwan tha main
Tera karam ghubaar ko shaepar bana diya
تیرے سبب تسلسلِ معراج ہے نماز
عرشِ عُلےٰ کے پاس مرا گھر بنا دیا
Tere sabab tasalsul-e-me'raaj hai namaaz
Arsh-e-'ula ke paas mera ghar bana diya
عاصیؔ پڑھو درُود کہ اِس موجِ عطر نے
میرے نفس نفس کو معطّر بنا دیا
Aasi padho durood ke is mauj-e-itr ne
Mere nafas nafas ko mu'attar bana diya
Share This Naat
Share with friends and family
جب ہجرِ طیبہ نے مُجھے مضطر بنا دیا
عاصی کرنالی