حضور لطف و عطا کا کمال رکھتے ہیں
وہ ہر غلام کا بے حد خیال رکھتے ہیں
Huzoor lutf o ata ka kamal rakhte hain
Woh har ghulam ka bayhad khayal rakhte hain
ہوائے نار ہمیں چھو لے غیر ممکن ہے
نعوت کار ہیں مدحت کی ڈھال رکھتے ہیں
Hawae nar humein choo le ghair mumkin hai
Naut kar hain midhat ki dhaal rakhte hain
سند قبول کی جاری یہیں سے ہوتی ہے
درِ رسول پہ حرفِ سوال رکھتے ہیں
Sanad qubool ki jari yehi se hoti hai
Dar-e-Rasool pe harf-e-sawal rakhte hain
رگوں میں دوڑنے لگتا ہے زندگی کا وفور
وہ دل کے گھاؤ پہ جب اندمال رکھتے ہیں
Ragon mein daurnay lagta hai zindagi ka wafoor
Woh dil ke ghaao pe jab indamaal rakhte hain
لہو سے آئے گی مشکِ بہشت کی خوشبو
وریدِ جان میں تکریمِ آل رکھتے ہیں
Lahoo se aayegi mushk-e-behesht ki khushboo
Vareed-e-jaan mein takreem-e-aal rakhte hain
ہمیں بھی اپنی غلامی کا مرتبہ دیجے
ہنر غلامی کا، رنگِ بلال رکھتے ہیں
Humein bhi apni ghulami ka martaba dijiye
Hunar ghulami ka, rang-e-Bilal rakhte hain
ملائے رکھتا ہے اشفاق عہدِ مدحت سے
برائے نعت خوشی سے جوال رکھتے ہیں
Milae rakhta hai Ashfaq ahd-e-midhat se
baraye naat khushi se jowal rakhte hain
Share This Naat
Share with friends and family
حضور لطف و عطا کا کمال رکھتے ہیں
اشفاق احمد غوری