سب عرشی فرشی رات دِنے پڑھدے رہندے صلواتاں نیں
جِتھے روضہ میرے آقا دا اس شہر دیاں کیا باتاں نیں
Sab arshi farshi raat dine pardhe rehnde salawatan ne
Jithe roza mere aaqa da as shehr diyaan kiya baatan ne
جدوں جالی دے نیڑے ہوکے کجھ عرضاں کرئیے رو رو کے
اس ویلے کرماں والے توں لکھ صدقے دن تے راتاں نیں
Jadon jaali de nere hoke kujh arzaan kariye ro ro ke
As wele karma walle ton likh sadqe din te raatan ne
ہر دکھ مدینے بھل جاندا اوتھے ہنجوں دا پے مُل جاندا
سرکارِ مدینہ دے ولّوں ایہہ امت نوں سوغاتاں نیں
Har dukh madine bhal janda othe hanjon da pay mul janda
Sarkar-e-madina de wallon eh ummat nu soghatan ne
پئے چار چوفیرے جالیاں دے جھُرمٹ ہر وقت سوالیاں دے
ہر اک جھولی دے وچہ پیّاں اوہدے فضل دیاں خیراتاں نیں
Pay char chaufere jaaliyan de jhurmat har waqt sawalian de
Har ek jholi de wiche payan ohde fazal diyan khairatan ne
اک پل جو مدینے رہندا اے اوہنوں آخر کہنا پیندا اے
ایتھے نور دیاں برساتاں نیں اس شہر دیاں کیا باتاں نیں
Ik pal jo madine rehnda ae ohnu aakhir kehna painda ae
Ithe nur diyan barsatan ne as shehr diyaan kiya baatan ne
کیہہ حاضری دا کوئی حال کہوے اوتھے کجھ نہ ظہوریؔ یاد رہوے
روضے دے اگے ہتھ بنھ کے چُپ کھڑیاں قلم دواتاں نیں
Keh hazri da koi haal kahwe othe kujh na Zahoori yad rahwe
Roze de age hath bandh ke chup khadiyaan qalam dawatan ne
Share This Naat
Share with friends and family
سب عرشی فرشی رات دِنے پڑھدے رہندے صلواتاں نیں
محمد علی ظہوری