میٹھا مدینہ دور ہے جانا ضَرور ہے
جانا ہمیں ضَرور ہے جانا ضَرور ہے
Meetha Madina door hai jana zarur hai
Jana hamein zarur hai jana zarur hai
راہِ مدینہ کے سبھی کانٹے ہیں پھول سے
دیوانہ باشُعُور ہے جانا ضَرور ہے
Raah-e-Madina ke sabhi kaante hain phool se
Deewana bashuoor hai jana zarur hai
ہوتا ہے سخت اِمتِحاں الفت کی راہ میں
آتا مگر سُرور ہے جانا ضَرور ہے
Hota hai sakht imtihaan ulfat ki raah mein
Aata magar suroor hai jana zarur hai
عشقِ رسول دیکھئے حبشی بِلال کا
زخموں سے چور چور ہے جانا ضَرور ہے
Ishq-e-Rasool dekhiye Habshi Bilal ka
Zakhmon se choor choor hai jana zarur hai
پُر خار راہ پاؤں میں چھالے بھی پڑ گئے
اِس میں بھی اِک سُرور ہے جانا ضَرور ہے
Pur khar raah paaon mein chhale bhi pad gaye
Is mein bhi ik suroor hai jana zarur hai
ہمّت جواب دے گئی سرکار المدد!
زائر تھکن سے چُور ہے جانا ضَرور ہے
Himmat jawab de gai Sarkar al madad!
Zair thakan se choor hai jana zarur hai
کیوں تھک گئے پلٹ گئے بھائی! بتایئے؟
یہ آپ کا قُصُور ہے جانا ضَرور ہے
Kyun thak gaye palat gaye bhai! bataiye?
Ye aap ka qusoor hai jana zarur hai
جو راہِ طیبہ کی ہیں ڈراتی صعوبتیں
یہ نفس کا فُتُور ہے جانا ضَرور ہے
Jo raah-e-Tayyiba ki hain darati saubatain
Ye nafs ka fatoor hai jana zarur hai
عُشّاق کو تو ملتی ہے غم میں بھی راحت اور
آتا بڑا سُرور ہے جانا ضَرور ہے
Ushaaq ko to milti hai gham mein bhi rahat aur
Aata bada suroor hai jana zarur hai
سرکار کا مدینہ یقینا بِلاشُبہ
قلب و نظر کا نورہے جانا ضَرور ہے
Sarkar ka Madina yaqeenan bila shubha
Qalb o nazar ka noor hai jana zarur hai
منظر حَسین و دلکشا اُن کے دِیار کا
ہاں دیکھنا ضَرور ہے جانا ضَرور ہے
Manzar haseen o dilkasha un ke diyar ka
Haan dekhna zarur hai jana zarur hai
دیکھوں گا جاکے گنبدِ خَضرا کی میں بہار
روضہ وطن سے دور ہے جانا ضَرور ہے
Dekhoon ga jaake Gumbad-e-Khazra ki mein bahar
Roza watan se door hai jana zarur hai
مِحراب و مِنبر آپ کے ڈوبے ہیں نور میں
جالی بھی نور نور ہے جانا ضَرور ہے
Mehrab o Minbar aap ke doobey hain noor mein
Jaali bhi noor noor hai jana zarur hai
چادر تنی ہے گنبدِ خَضرا پہ نور کی
مینار نور نور ہے جانا ضَرور ہے
Chadar tani hai Gumbad-e-Khazra pe noor ki
Minaar noor noor hai jana zarur hai
پُر نور ہر پہاڑ تو طیبہ کی خاک کا
ہر ذرّہ رشکِ طُور ہے جانا ضَرور ہے
Pur noor har pahad to Tayyiba ki khaak ka
Har zarra rashk-e-Toor hai jana zarur hai
شاہ و گدا فقیر و غنی ہر کسی کا سر
خَم آپ کے حُضورہے جانا ضَرور ہے
Shah o gada faqeer o ghani har kisi ka sar
Kham aap ke huzoor hai jana zarur hai
بِہتر اِسی برس ہو تو جلدی بُلایئے
یہ التِجا حُضور ہے جانا ضَرور ہے
Behtar isi baras ho to jaldi bulaiye
Ye iltija huzoor hai jana zarur hai
مرضی تمھاری تم سنو یا مت سنو مگر
اپنی تو رَٹ حُضُور ہے جانا ضرور ہے
Marzi tumhari tum suno ya mat suno magar
Apni to rut huzoor hai jana zaroor hai
عطارؔ قافِلہ تو گیا تم بھی اُٹھ چلو
منزِل اگرچِہ دُور ہے جانا ضَرور ہے
Attar qafila to gaya tum bhi uth chalo
Manzil agarche door hai jana zarur hai
Share This Naat
Share with friends and family
میٹھا مدینہ دور ہے جانا ضَرور ہے
الیاس عطار قادری