جب ہجوم غم میں دل گھبرائے ہے
مصطفے کی یاد دل بہلائے ہے
Jab hajoom e gham mein dil ghabraye hai
Mustafa ki yaad dil behlaye hai
دوری منزل بڑا تڑپائے ہے
پھر مدینہ آپ کا یاد آئے ہے
Doori manzil bada tarpaye hai
Phir Madina aap ka yaad aaye hai
اب نہ جانے کب مجھے بلوائیں گے
دل میرا اس غم میں ڈوبا جائے ہے
Ab na jaane kab mujhe bulwayen ge
Dil mera is gham mein dooba jaye hai
جائیں گے ہم بھی مدینے ایک دن
دل کو میں اور دل مجھے سمجھائے ہے
Jaye ge hum bhi Madine aik din
Dil ko mein aur dil mujhe samjhaye hai
محفل نعت نبی پر باالیقیں
ابر رحمت جھوم کر چھا جائے ہے
Mahfil naat Nabi par ba-yaqeen
Abr rehmat jhoom kar chha jaye hai
تم درودوں کی سجاؤ ڈالیاں
بزم جاں کو ذکر یہ مہکائے ہے
Tum daroodon ki sajawo daliyan
Bazm jaan ko zikr yeh mehkaye hai
نیند پر اُس کے فدا بیداریاں
جسکے بھی خوابوں میں تو آ جائے ہے
Neend par us ke fida bedariyan
Jiske bhi khwabon mein tu aa jaye hai
شکل وصورت کی نہیں ہے کوئی بات
وہ سہاگن ہے جو پی کو بھائے ہے
Shakal o soorat ki nahi hai koi baat
Woh suhagan hai jo pi ko bhaye hai
اس کی قسمت پر فدا تخت شہی
آستانے پر تیرے جو آئے ہے
Us ki qismat par fida takht shahi
Aastane par tere jo aaye hai
سیر جنت کی اُسے پرواہ نہیں
تیرے کوچے میں جو آئے جائے ہے
Sair jannat ki use parwa nahi
Tere kooche mein jo aaye jaye hai
ہو نیازی کوئی سُلطاں یا فقیر
میرے آقا کا ہی صدقہ کھائے ہے
Ho Niazi koi sultan ya faqeer
Mere aaqa ka hi sadqa khaye hai
Share This Naat
Share with friends and family
جب ہجوم غم میں دل گھبرائے ہے
عبدالستار نیازی