جانِ عالَم فخرِ آدم شاہِ بطحا زندہ باد
نورِ اوّل شمعِ ایماں ماہِ طیبہ زندہ باد
Jaan-e-Aalam fakhr-e-Adam Shah-e-Bat'haa zindah baad
Noor-e-awwal sham'-e-emaan maah-e-Taybah zindah baad
محرمِ اسرارِ قدرت عالمِ علمِ یقیں
نازشِ دیں، زینتِ عرشِ معلّٰی زندہ باد
Muharram-e-asrar-e-qudrat aalam-e-ilm-e-yaqeen
Naazish-e-deen, zeenat-e-arsh-e-mu'allaa zindah baad
نور کی خیرات جس سے لے رہے ہیں مہر وماہ
آمنہ کے لال کا پُر نور چہرہ زندہ باد
Noor ki khairaat jis se le rahe hain mehr o maah
Aaminah ke laal ka pur noor chehra zindah baad
آسمانِ علم و حکمت کے درخشاں آفتاب
کوکبِ بُرجِ ہدایت، شاہِ بطحا زندہ باد
Aasman-e-ilm o hikmat ke darkhshaan aafataab
Kokab-e-burj-e-hidayat, Shah-e-Bat'haa zindah baad
یا خدا اس آرزو کو دے حقیقت کا لباس
زندہ باد اے آرزوئے باغِ طیبہ زندہ باد
Yaa Khuda is aarzoo ko de haqeeqat ka libaas
Zindah baad ae aarzoo-e-baagh-e-Taybah zindah baad
باعثِ تخلیق عالَم، نازشِ دنیا و دیں
فخرِ عالم، فخرِ آدم، فخرِ حوّا زندہ باد
Baa'is-e-takhliq-e-aalam, naazish-e-duniya o deen
Fakhr-e-aalam, fakhr-e-Adam, fakhr-e-Hawwaa zindah baad
روضہ و منبر کے بیچوں بیچ حصّہ ارض کا
جنّتی ٹکڑوں میں ہے وہ ایک ٹکڑا زندہ باد
Roza o minbar ke beachon baech hissa arz ka
Jannati tukron mein hai wo aik tukra zindah baad
میرے آقا، میرے داتا، میرے ملجا آپ ہیں
اے مری حاجات کے قبلہ اور کعبہ زندہ باد
Mere Aaqa, mere Daata, mere malja aap hain
Ae meri haajaat ke qibla aur Ka'ba zindah baad
ان کے حسن و دلکِشی کا حال کچھ مت پوچھیے
مظہرِ حسنِ ازل جانِ تجلّیٰ زندہ باد
Un ke husn o dilkashi ka haal kuch mat poochhiye
Maz'har-e-husn-e-azal jaan-e-tajalliy zindah baad
مصطفیٰ شمس الضحیٰ بدر الدُّجیٰ نور الہُدیٰ
شانِ عالَم، جانِ عالَم، شاہِ بطحا زندہ باد
Mustafa shams ad-dhuh'aa Badr ad-Dujaa Noor al-hudaa
Shaan-e-Aalam, jaan-e-Aalam, Shah-e-Bat'haa zindah baad
عرش و کرسی مدحتِ سرکار میں رطبُ اللّسان
اور کرتی ان کی مدحت "شاخِ طوبیٰ" زندہ باد
Arsh o kursi mad'hat-e-sarkar mein ratb al-lisaan
Aur karti un ki mad'hat "shaakh-e-Tauba" zindah baad
اللہ اللہ پاؤں کی ٹھوکر سے مُردے جی اٹھیں
اے طبیبِ دوجہاں، جانِ مسیحا زندہ باد
Allah Allah paaon ki thokar se murde jee uthen
Ae tabeeb-e-dojahan, jaan-e-Masiha zindah baad
آپ کے دربار سے اے سرورِ ہر دوسرا
ہر گھڑی بخشش کا چشمہ ہے اُبلتا زندہ باد
Aap ke darbaar se ae Sarwar-e-har dosra
Har ghadi bakhshish ka chashma hai ubalta zindah baad
نعتِ احمد شوق سے کرتے رہو احمدؔ رقم
شاعری میں نعت کا ہے خوب چرچا زندہ باد
Na'at-e-Ahmad shauq se karte raho Ahmad qalam
Sha'iri mein na'at ka hai khoob charcha zindah baad
Share This Naat
Share with friends and family
جانِ عالَم فخرِ آدم شاہِ بطحا زندہ باد
مولانا طفیل احمد مصباحی