ہے لبِ عیسٰی سے جاں بخشی نِرالی ہاتھ میں
سنگریزے پاتے ہیں شِیریں مَقالی ہاتھ میں
Hai lab-e-Eisa se jaan bakhshi niraali haath mein
Sangrezay paate hain sheereen maqaali haath mein
بے نواؤں کی نِگاہیں ہیں کہاں تحریر دست
رہ گئیں جو پا کے جودِ لایزالی ہاتھ میں
Be-nawaon ki nigaahain hain kahaan tahreer dast
Reh gayeen jo paa ke jood-e-layzaali haath mein
کیا لکیروں میں یَدُ اللہ خط سرو آسا لکھا
راہ یوں اس راز لکھنے کی نکالی ہاتھ میں
Kya lakeeron mein yadullah khat sarwa aasa likha
Raah yun us raaz likhne ki nikaali haath mein
جُودِ شاہِ کوثر اپنے پیاسوں کا جُویا ہے آپ
کیا عجب اُڑ کر جو آپ آئے پیالی ہاتھ میں
Jood-e-shah-e-Kosar apne pyaason ka juyya hai aap
Kya ajab udh kar jo aap aaye pyaali haath mein
ابر نَیْساں مومنوں کو تِیْغِ عُریاں کفر پر
جمع ہیں شانِ جمالی و جلالی ہاتھ میں
Abr-e-Naisaan mominon ko teergh-uryaan kufr par
Jama hain shaan-e-jamaali wa jalaali haath mein
مالکِ کونین ہیں گو پاس کچھ رکھتے نہیں
دو جہاں کی نعمتیں ہیں ان کے خالی ہاتھ میں
Maalik-e-kainaat hain go paas kuch rakhte nahi
Do jahaan ki na'imatein hain un ke khaali haath mein
سایہ اَفگن سر پہ ہو پرچم الہٰی جُھوم کر
جب لِوَاء الْحَمْد لے اُمّت کا والی ہاتھ میں
Saaya afgan sar pe ho parcham-e-Ilahi jhoom kar
Jab liwa-ul-hamd le ummat ka wali haath mein
ہر خطِ کف ہے یہاں اے دستِ بیضائے کلیم
موجزن دریائے نورِ بے مثالی ہاتھ میں
Har khat-e-kaf hai yahan aye dast-e-bizaaye Kaleem
Maojzan darya-e-noor-e-bemisaali haath mein
وہ گراں سنگی قدرِ مَس وہ ارزانی جود
نوعیَہ بدلہ کیے سنگ و لآلی ہاتھ میں
Wo garan sange qadr-e-mas wo arzani jood
Nouiya badla kiye sang o laali haath mein
دستگیرِ ہر دو عالم کر دیا سِبطین کو
اے میں قرباں جانِ جاں انگشت کیا لی ہاتھ میں
Dastegeer-e-har do aalam kar diya sibtein ko
Aye main qurbaan jaan-e-jaan angusht kya li haath mein
آہ وہ عالم کہ آنکھیں بند اور لب پر دُرود
وقف سنگِ در جبیں رَوضہ کی جالی ہاتھ میں
Aah wo aalam ke aankhein band aur lab par durood
Waqf sang-e-dar jabin rauza ki jaali haath mein
جس نے بَیْعَتْ کی بہار حسن پر قرباں رہا
ہیں لکیریں نقش تسخیرِ جمالی ہاتھ میں
Jis ne bai'at ki bahaar husn par qurbaan raha
Hain lakeerain naqsh taskheer-e-jamaali haath mein
کاش ہو جاؤں لبِ کوثر مَیں یوں وارفتہ ہوش
لے کر اس جانِ کرم کا ذیل عالی ہاتھ میں
Kaash ho jaoon lab-e-Kosar main yun warfata hosh
Le kar us jaan-e-karam ka zeil aali haath mein
آنکھ محوِ جلوۂ دیدار دل پُر جوشِ وجد
لب پہ شکرِ بخشِشِ ساقی پیالی ہاتھ میں
Aankh mahw-e-jalwa-e-deedaar dil pur josh-e-wajd
Lab pe shukr-e-bakshish-e-saqi pyaali haath mein
حشر میں کیا کیا مزے وارفتگی کے لُوں رضاؔ
لوٹ جاؤں پا کے وہ دامانِ عالی ہاتھ میں
Hashr mein kya kya maze warfatgi ke loon Raza
Loot jaoon paa ke wo daaman-e-aali haath mein
Share This Naat
Share with friends and family
ہے لبِ عیسٰی سے جاں بخشی نِرالی ہاتھ میں
احمد رضا خان بریلوی