جان اے جگ دی گھر آقاؐ دا
میری منزل در آقاؐ دا
Jaan ay jag di ghar Aqaؐ da
Meri manzil dar Aqaؐ da
کدی نہ نظروں اوہلے ہووے
نور ونور نگر آقاؐ دا
Kadi na nazran ohle hove
Noor wa noor nagar Aqaؐ da
جھات کرم دی جیکر بھالیں
دم ہر ویلے بھر آقاؐ دا
Jhat karam di jekar bhalen
Dam har wele bhar Aqaؐ da
رب دی واز اچ واز رلا کے
ذکر ہمیشہ کر آقاؐ دا
Rab di waz ach waz rla ke
Zikar hamesha kar Aqaؐ da
چودھاں صدیاں تو ہر راتیں
رہ تکے امبر آقاؐ دا
Chaudhawn sadiyan to har ratein
Rah take amber Aqaؐ da
حشر ا چ ویکھاں گے اوہ جلوہ
پیواں گے کوثر آقاؐ دا
Hashar a ch wekhan ge oh jalwa
Piwaan ge Kauthar Aqaؐ da
تائب چیتر توں پھگن تک
ہر موسم نوکر آقاؐ دا
Taib chetar ton phagan tak
Har mosam naukar Aqaؐ da
Share This Naat
Share with friends and family
جان اے جگ دی گھر آقاؐ دا
حفیظ تائب