اطاعت ربِّ اعلا کی سعادت ہی سعادت ہے
خدائے پاک سے دُوری ندامت ہی ندامت ہے
Ataa'at rab-e-aala ki sa'adat hi sa'adat hai
Khudae paak se doori nadamat hi nadamat hai
خدا بھی راضی اُن بندوں سے ہوگا غور سے سُن لو
کہ جن کو سرورِکونین سے اُلفت ہے چاہت ہے
Khuda bhi raazi un bandon se hoga ghour se sun lo
Ke jin ko sarwar-e-kainaat se ulfat hai chaaht hai
یہ کلیاں ، پھول ، جگنو ، تتلیوں کا رقصِ دل داری
حسیں شہکار ہیں ان میں خدا کی خاص ندرت ہے
Yeh kaliyan, phool, jugnu, titliyon ka raqs-e-dil daari
Haseen shahkaar hain in mein khuda ki khaas nudrat hai
ہمیں قرآں بتاتا ہے سمجھتے کیوں نہیں لوگو!
خدا کی یاد سے غفلت قیامت ہے قیامت ہے
Humein quraan batata hai samajhte kyon nahi logon!
Khuda ki yaad se ghaflat qayamat hai qayamat hai
لکھو حمدِ خدا اور حمد کی محفل میں آجائو
اِسی میں کامیابی اور راحت ہے سکینت ہے
Likho hamd-e-khuda aur hamd ki mehfil mein aajao
Isi mein kaamyabi aur rahat hai sakeenet hai
زمین و آسماں ، صحرا ، سمندر ، جن و انساں بھی
مِرے مولا ترے خلّاق ہونے کی شہادت ہے
Zameen o aasmaan, sehra, samundar, jin o insaan bhi
Mere maula tere khallaaq hone ki shahadat hai
کرو اس کی حفاظت بھی عطائے خاص ہے لوگو!
یہ جسم و رُوح بھی ربِّ حقیقی کی امانت ہے
Karo is ki hifazat bhi ataaye khaas hai logon!
Yeh jism o rooh bhi rab-e-haqeeqi ki amanat hai
یہ تحفہ خاص ہے رب کا مہینہ صوم کا واللہ
خدا کی رحمتیں اس میں عنایت ہی عنایت ہے
Yeh tohfa khaas hai rab ka maheena saum ka wallah
Khuda ki rehmatain is mein inayat hi inayat hai
سفر جاری ’’جہانِ حمد‘‘ کا اٹھارہ برسوں سے
’’جہانِ حمد‘‘ کا پیغام طاہرؔ فتح و نصرت ہے
Safar jaari "Jahaan-e-Hamd" ka atharah barson se
"Jahaan-e-Hamd" ka paighaam Tahir fatah o nusrat hai
Share This Naat
Share with friends and family
اطاعت ربِّ اعلا کی سعادت ہی سعادت ہے
طاہر سلطانی