Hamad
درِ مولا ہی دیکھا اور نہ کوئی آستاں دیکھا
درِ مولا ہی دیکھا اور نہ کوئی آستاں دیکھا
اُجڑتا شرک کا ہر ایک ہم نے آشیاں دیکھا
dar e moula hi dekha aur na koi aastan dekha
ujarta shirk ka har aik hum ne aashiyaan dekha
جو نکلا پرچم حق ہاتھوں میں لے کر زمانے میں
اُسی مردِ مجاہد کو ہمیشہ کامراں دیکھا
jo nikla parcham e haq haathon mein le kar zamane mein
usi mard e mujahid ko hamesha kaamran dekha
نظر آتا نہیں وہ قلب کے نزدیک رہتا ہے
ہیں جلوے چار سو اُس کے محبت سے جہاں دیکھا
nazar aata nahi woh qalb ke nazdeek rehta hai
hain jalwe char soo us ke mohabbat se jahan dekha
ولی اللہ سب ہی تھے مسلماں تین سو تیرہ
خدا شاہد کبھی کوئی نہ ایسا کارواں دیکھا
waliullah sab hi the musalmaan teen sau terah
khuda shahid kabhi koi na aisa kaarwan dekha
خدا نے رحمتِ عالم بناکر اُن کو بھیجا ہے
حضورِ پاک سا رہبر نہ ہم نے مہرباں دیکھا
khuda ne rehmat e aalam bana kar un ko bheja hai
huzoor e paak sa rehbar na hum ne meharban dekha
جو دینِ حق کی خاطر گردنیں اپنی کٹاتے ہیں
انہی کو سرخ دیکھا اُنہیں کو جاوداں دیکھا
jo deen e haq ki khatir gardanein apni katate hain
unhi ko surkh dekha unhi ko jaawidan dekha
غموں کی دھوپ میں قرآں پڑھا جب بھی کبھی میں نے
خدا کے فضل کا طاہرؔ نے سر پر سائباں دیکھا
ghamon ki dhoop mein quraan padha jab bhi kabhi mein ne
khuda ke fazl ka Tahir ne sar par saaybaan dekha
خدائے پاک کی صناعی کا طاہرؔ بیاں کیا ہو
ستوں جس کا نہیں ہم نے وہ نیلا آسماں دیکھا
khuda e paak ki sanai ka Tahir bayan kya ho
satoon jis ka nahi hum ne woh neela aasmaan dekha
Share This Naat
Share with friends and family
درِ مولا ہی دیکھا اور نہ کوئی آستاں دیکھا
طاہر سلطانی