اقلیمِ دو جہاں کے شہنشاہ فضل کر
اللہ فَضل کر مِرے اللہ فضل کر
Aqleem-e-do jahan ke shehnshah fazl kar
Allah fazl kar mire Allah fazl kar
اے وہ کہ تُجھ سے جلوۂ خُورشید، التفات
اے کہ وہ تُجھ سے روشنئ ماہ، فضل کر
Ae woh ke tujh se jalwa-e-khurshid, iltifat
Ae ke woh tujh se roshni-e-maah, fazl kar
اے وہ کہ چشم، چشمِ بصیرت ترے سبب
اے وہ کہ تجھ سے دل، دلِ آگاہ فضل کر
Ae woh ke chashm, chashm-e-baseerat tere sabab
Ae woh ke tujh se dil, dil-e-aagah fazl kar
پلکوں پہ جب ہو قافلۂ اشک، روک دے
ہونٹوں پہ جب ہو سِلسلۂ آہ، فضل کر
Palkon pe jab ho qafla-e-ashk, rokk de
Honton pe jab ho silsila-e-aah, fazl kar
پڑتے ہوں جب مصائبِ پیہم، نگاہ رکھ
ڈستے ہوں جب حوادثِ نگاہ فضل کر
Parte hon jab masaib-e-peham, nigah rakh
Daste hon jab hawadis-e-nigah fazl kar
بہکیں قدم تو جانبِ منزل سے دے صدا
جب آدمی کا نفس ہو گمراہ، فضل کر
Bahken qadam to janib-e-manzil se de sada
Jab aadmi ka nafs ho gumrah, fazl kar
فارغ غبارِ غم سے ہو آئینۂ حیات
دل پر نہ ہو الم کا پرِ کاہ، فضل کر
Farigh ghubar-e-gham se ho aaina-e-hayat
Dil par na ho alam ka par-e-kaah, fazl kar
جب دل میں حرصِ زر ہو، قناعت کا عزم دے
جب نفس میں رچے طلبِ جاہ، فضل کر
Jab dil mein hirs-e-zar ho, qanat ka azm de
Jab nafs mein rache talab-e-jaah, fazl kar
عاصیؔ ہوں، معصیت کے سمندر میں غرق ہُوں
پھر بھی ہُوں ایک بندۂ درگاہ ، فضل کر
Aasi hoon, masiyat ke samandar mein gharq hoon
Phir bhi hoon aik banda-e-dargah, fazl kar
Share This Naat
Share with friends and family
اقلیمِ دو جہاں کے شہنشاہ فضل کر
عاصی کرنالی