بادل کو شبنم کیا سمجھے سورج کو شرارہ کیا جانے
رحمٰن و رحیم ہے وہ کتنا انساں بیچارہ کیا جانے
Badal ko shabnam kiya samjhe sooraj ko sharara kiya jane
Rehman o raheem hai woh kitna insaan bechara kiya jane
سب روشنیوں کا خالق وہ ہر مغرب وہ ہر مشرق وہ
اس کے انوار کی وسعت کو اک صبح کا تارہ کیا جانے
Sab roshniyon ka khaleq woh har maghrib woh har mashriq woh
Us ke anwaar ki wusat ko ek subh ka tara kiya jane
جو اس سے محبت کرتا ہے جو اس کی عبادت کرتا ہے
جو اس سے تجارت کرتا ہے نقصان خسارہ کیا جانے
Jo us se mohabbat karta hai jo us ki ibadat karta hai
Jo us se tijarat karta hai nuqsan khasara kiya jane
ایزد عرشِ ایزد ہے کہاں اونچائی کی سرحد ہے کہاں
گہرائی کی مسند ہے کہاں یہ بات کنارہ کیا جانے
Ezd arsh e ezd hai kaha unchai ki sarhad hai kaha
Gehrayi ki masnad hai kaha yeh baat kinara kiya jane
اللہ کی شان مظفر سے کیا پوچھتے ہو دنیا والو
ملتے ہیں کہاں دنیا کے سرے شاعر آوارہ کیا جانے
Allah ki shaan Muzaffar se kiya pochte ho duniya walo
Milte hain kaha duniya ke sare shayar avara kiya jane
Share This Naat
Share with friends and family
بادل کو شبنم کیا سمجھے سورج کو شرارہ کیا جانے
مظفر وارثی