عشقِ رسولؐ ِ پاک میں آنکھ جو اشکبار ہے
وجہِ سکوں ہیں دھڑکنیں دل کو بڑا قرار ہے
Ishq-e-Rasoolؐ-e-Pak mein aankh jo ashkbaar hai
Wajah-e-sukoon hain dhadkanain dil ko bara qarar hai
شکرِ خدا کہ ہم نہیں دورِ خزاں سے آشنا
داغ نبیؐ کے عشق کا کتنا سدا بہار ہے
Shukar-e-Khuda ke hum nahi door-e-khizaan se aashna
Daagh Nabiؐ ke ishq ka kitna sada bahaar hai
دل ہے وہ دل جسے ملے دولتِ عشقِ مصطفےؐ
ورنہ یہ دل تو دل نہیں اجڑا ہوا دیار ہے
Dil hai woh dil jise mile daulat-e-ishq-e-Mustafaؐ
Warna yeh dil to dil nahi ujra hua dayar hai
جتنا جسے عطا کریں جیسے جسے نواز دیں
ان کی خوشی کی بات ہے انکو اختیار ہے
Jitna jise ata karein jaise jise nawaz dein
Un ki khushi ki baat hai unko ikhtiyar hai
وجہ ِ قرار بن گیا یاد ِ حبیبؐ کا سرور
دل کے نصیب جاگ اٹھے کیف سے ہمکنار ہے
Wajah-e-qarar ban gaya yaad-e-Habibؐ ka suroor
Dil ke naseeb jaag uthe kaif se humkinaar hai
انکے درِ سخا سے ہے ربط مرا ز ہے نصیب
شیوہ ہے جن کا درگزر جن کا کرم شعار ہے
Unke dar-e-sakha se hai rabt mera za hai naseeb
Shewa hai jin ka darguzar jin ka karam shi'aar hai
غیب سے آشنا ہو تم غیب کے رازداں ہو تم
تم سے تو کچھ نہاں نہیں تم پہ سب آشکار ہے
Ghaib se aashna ho tum ghaib ke raazdan ho tum
Tum se to kuch nahaan nahi tum pe sab aashkaar hai
سنگِ درِ رسولؐ سے جس کو ملیں بصیرتیں
اسکے تصرفات میں دہر کا کاروبار ہے
Sang-e-dar-e-Rasoolؐ se jisko milain baseeratein
Uske tasarrufaat mein daur ka kaarobaar hai
اپنے نصیب پر مجھے ناز ہے خالدِؔ حزیں
جو ہے حبیب کِبریا میرا وہ غمگسار ہے
Apne naseeb par mujhe naaz hai Khalidؔ-e-Hazin
Jo hai Habib-e-Kibriya mera woh ghamgussar hai
Share This Naat
Share with friends and family
عشقِ رسولؐ ِ پاک میں آنکھ جو اشکبار ہے
خالد محمود خالد