اِمتیازات مِٹانے کے لیے آپؐ آئے
ظلم کی آگ بجھانے کے لیے آپؐ آئے
Imtiyazat miTane ke liye aapؐ aaye
Zulm ki aag bujhane ke liye aapؐ aaye
آدَمِیَّت سے تھا محروم گلستانِ حیات
اور یہ پھول کِھلانے کے لیے آپؐ آئے
Aadamiyyat se tha mahroom gulistan-e-hayat
Aur ye phool khilane ke liye aapؐ aaye
قیصرِیّت تھی اُدھر اور اِدھر اَصنام گری
اِن فصیلوں کو گرانے کے لیے آپؐ آ ئے
Qaysariyyat thi udhar aur idhar asnam gari
In fasilon ko girane ke liye aapؐ aaye
آج تعلیم ِ مساوات ہے وہ جرم ِ عظیم
جس کی پاداش میں کٹتی ہیں زبانیں کتنی
Aaj taleem-e-masawat hai woh jurm-e-azeem
Jis ki padash mein kat'ti hain zubanen kitni
آج سوچوں پہ بھی قانون کی زَد پڑتی ہے
خوفِ تعزیر سے رُکتی ہیں اُڑ انیں کتنی
Aaj sochon pe bhi qanoon ki zad parti hai
Khof-e-tazeer se rukti hain u'raanen kitni
ایک لُقمے کے لیے آج کروڑوں بھو کے
ہاتھ اُٹھاتے ہیں تو تنتی ہیں کمانیں کتنی
Ek luqm-e ke liye aaj karorrn bhooke
Hath uthate hain to nantti hain kamanen kitni
آپؐ کے سامنے کرتا ہوں یہ اعلان کہ میں
حق پرستی سے جو باز آؤں تو فنکار نہیں
Aapؐ ke samne karta hon ye ilan ke main
Haq parasti se jo baaz aaon to fankar nahi
آپؐ کے دامنِ رحمت کا سہارا ہے مجھے
میں حکومت کی عنایت کا طلبگار نہیں
Aapؐ ke daman-e-rehmat ka sahara hai mujhe
Main hakoomat ki inayat ka talabgar nahi
میرے جمہور کی دولت ہیں یہ دشت و کہسار
میرے جمہور کا گھر سایہء دیوار نہیں
Mere jamohoor ki daulat hain ye dasht o kahsar
Mere jamohoor ka ghar saya-e-deewar nahi
آپؐ آئے تھے کہ آتش کدہء عالم میں
اَمن ہو ‘ حُسن ہو ‘ تہذیب ہو ‘ رعنائی ہو
Aapؐ aaye the ke aatish kada-e-alam mein
Amn ho, husn ho, tahzeeb ho, ranai ho
آپؐ آئے تھے کہ انسان کا دل یوں لَو دے
جس طرح چاندنی چشمے میں اُتر آئی ہو
Aapؐ aaye the ke insan ka dil youn lo de
Jis tarah chandni chashme mein utar ai ho
اجنبیت ہو کچھ اس رنگ سے بالیدہ ء و نرم
کہ ہر انسان ‘ ہر انسان کا شیدائی ہو
Ajnabiyyat ho kuch is rang se balida o narm
Ke har insan, har insan ka shedai ho
آج انسان کی پہچان ہوئی ہے دُشوار
آج تقدیس کا معیار زَر اَندوزی ہے
Aaj insan ki pehchan hui hai dushwaar
Aaj taqdees ka maiyar zar andozi hai
آج تہذیب کے پردے میں ہے انسان کُشی
اَمن کے نام پہ تدبیرِ جہاں سوزی ہے
Aaj tahzeeb ke parde mein hai insaan kushi
Amn ke naam pe tadbeer-e-jahan sozi hai
جنگ ہوتی ہے تو یاروں کے چمن کھلتے ہیں
خوں کے چھینٹوں پہ گمانِ چمن اَفروزی ہے
Jang hoti hai to yaron ke chaman khilte hain
Khon ke cheenton pe gumaan-e-chaman afrozai hai
قافلے نکلے ہیں ‘ قصدِ چمن آ رائی ہے
یہ وہ انساں ہیں جو دل سوختہ ‘ لب دوختہ ہیں
Qafile nikle hain, qasde chaman arayi hai
Ye woh insaan hain jo dil sokhta, lab dookhata hain
آپ ہی قدر کریں ‘ آپ ہی انصاف کریں
فقط احساس کی بیداریاں اَندوختہ ہیں
Aap hi qadr karein, aap hi insaaf karein
Faqat ehsas ki baidariyaan andokhta hain
اِن کے ہونٹوں سے برستے ہیں مساوات کے گیت
اور محلوں میں شہنشاہ بَر اَفروختہ ہیں
In ke honthon se baraste hain masawat ke geet
Aur mehlon mein shehanshah bar afrookhta hain
Share This Naat
Share with friends and family
اِمتیازات مِٹانے کے لیے آپؐ آئے
احمد ندیم قاسمی