یاخدا ہر دَم نگہ میں اُن کا کاشانہ رہے
دونوں عالم میں خیالِ رُوئے جانانہ رہے
Yakhuda har dum nigah mein un ka kaashana rahe
Dono aalam mein khayal-e-roye janaana rahe
اے عرب کے چاند تیرے ذَرّے کاذَرَّہ ہوں میں
تا اَبد پرنور میرے دِل کا کاشانہ رہے
Ae Arab ke chaand tere zarre ka zarra hoon main
Ta abad parnoor mere dil ka kaashana rahe
کیوں مُعَطَّر ہو نہ خوشبو سے دوعالم کا دِماغ
پنجۂ قدرت ترے گیسو کا جب شانہ رہے
Kyun mutattr ho na khushbu se do aalam ka dimaagh
Panja-e-qudrat tere gesu ka jab shaana rahe
جس مکاں کی اپنے پائے پاک سے عزت بڑھائیں
کیوں نہ سب اَمراض کا وہ گھر شفاخانہ رہے
Jis makaan ki apne paaye paak se izzat barhaen
Kyun na sab amraaz ka woh ghar shafaakhaana rahe
زندگی میں بعدِ مردَن اُن کے نام پاک سے
یاخدا آباد میرے دِل کا وِیرانہ رہے
Zindagi mein baad-e-mardan un ke naam paak se
Yakhuda aabaad mere dil ka weeraana rahe
عین اِیماں ہے یہی اور ہے ہر اِک مومن پہ فرض
ان کے نامِ پاک کا دُنیا میں مستانہ رہے
Ain imaan hai yahi aur hai har ik momin pe farz
Un ke naam-e-paak ka duniya mein mastana rahe
وِردِ لب مِصْرَع ہو یہ جب سیر ہوں پیاسے تیرے
ساقیِ کوثر ترا آباد میخانہ رہے
Wird-e-lab misra ho ye jab sair hoon pyaase tere
Saaki-e-kausar tera aabaad maikhaana rahe
مست اُن کے جھومتے ہیں جوش میں کہتے ہوئے
ساقیِ کوثر ترا آباد میخانہ رہے
Mast un ke jhoomte hain josh mein kehte hue
Saaki-e-kausar tera aabaad maikhaana rahe
کیوں جلائے نارِ دوزخ اس کو اے شمعِ ہدیٰ
جو فدا دنیا میں تم پر مثلِ پروانہ رہے
Kyun jalaaye naar-e-dozakh us ko ae shama-e-huda
Jo fida duniya mein tum par misl-e-parwaana rahe
محوِ نظارہ رہیں تا حشر آنکھیں یاخدا
اور دلِ وَحشی رُخ و گیسو کا دیوانہ رہے
Mahw-e-nazara rahein ta hashr aankhein yakhuda
Aur dil-e-wahshi rukh o gesu ka deewaana rahe
کر بلند ایسا علم اِسلام کا اے شاہِ دیں
مسجدیں آباد ہوں وِیران بت خانہ رہے
Kar buland aisa alam islaam ka ae shah-e-deen
Masjiden aabaad hon weeraan but khaana rahe
ہے جمیلؔ قادری کے وِردِ لب نعتِ نبی
بعد ُمردَن بھی لحد میں ذِکرِ جانانہ رہے
Hai Jamil qadri ke wird-e-lab naat-e-nabi
Baad mardan bhi lahad mein zikr-e-janaana rahe
Share This Naat
Share with friends and family
یاخدا ہر دَم نگہ میں اُن کا کاشانہ رہے
جمیل الرحمن قادری