امکان میں تجلّیِٔ واجب ہے کیا، نہ پوچھ
کثرت میں کیا ہے جلوۂ وحدت نما ،نہ پوچھ
Imkaan mein tajalli-e-wajib hai kya, na pooch
Kasrat mein kya hai jalwa-e-wahdat numa, na pooch
وردِ درود کا ہے مِلا فیض کیا ، نہ پوچھ
کیسی بلا میں پھنس گئی میری بلا، نہ پوچھ
Wird-e-darood ka hai mila faiz kya, na pooch
Kaisi bala mein phans gayi meri bala, na pooch
اوجِ مقامِ سرور ہر دو سرا، نہ پوچھ
اس بات کی نہیں ہے کوئی انتہا ،نہ پوچھ "
Ouj-e-maqam-e-sarwar har do sara, na pooch
Is baat ki nahi hai koi inteha, na pooch
احساس میں مہکتے ہیں توصیف کے گلاب
خوشبوئے حرفِ نعتِ شہِ انبیا ،نہ پوچھ
Ehsaas mein mehakte hain tauseef ke gulaab
Khushbu-e-harf-e-naat-e-shah-e-ambiya, na pooch
مہکی زبان قدس پہ کس طرح بات بات
چمکا لسانِ فیض پہ کیا واعظا ! نہ پوچھ
Mehki zabaan qods pe kis tarah baat baat
Chamka lisan-e-faiz pe kya waaeza! na pooch
ہر اک کی دھن ہے خامۂ ناعِت نواز دے
سبقت کا شور لفظوں میں کیسے مچا ، نہ پوچھ
Har ek ki dhun hai khaama-e-na'at nawaz de
Sabqat ka shor lafzon mein kaise macha, na pooch
ابرِ عطائے زلفِ نبی کی نہیں ہے حد
کتنا دراز لطف کا ہے سلسلہ ،نہ پوچھ
Abar-e-ataaye zulf-e-nabi ki nahi hai had
Kitna daraaz lutf ka hai silsila, na pooch
حرفوں کو ناز بس ہے کہ ہیں سلکِ نعت میں
اوجِ دماغِ واصفِ شاہِ ہدٰی، نہ پوچھ
Harfon ko naaz bas hai ke hain silk-e-naat mein
Ouj-e-dimaag-e-wasif-e-shah-e-huda, na pooch
رہتا تھا انکسار سے جو بوریا نشین
کس شان سے وہ عرش سے اونچا گیا، نہ پوچھ
Rehta tha inkisar se jo boriya nasheen
Kis shaan se woh arsh se ooncha gaya, na pooch
فرقت میں ان کی استن حنانہ روپڑا
ہوتا ہے ہجرِ یار کا کیا ابتلا ،نہ پوچھ
Furqat mein un ki istan hanana ro pada
Hota hai hijr-e-yaar ka kya ibtala, na pooch
بخشی گئیں حقیر کو ہر جا پہ عظمتیں
کس طرح نعت نے ہے معظم کیا ،نہ پوچھ
Bakhshi gayi haqeer ko har ja pe azmatain
Kis tarah naat ne hai mo'azzam kiya, na pooch
Share This Naat
Share with friends and family
امکان میں تجلّیِٔ واجب ہے کیا، نہ پوچھ
معظم سدا معظم مدنی