مسافر مدینے دا راہی عرب دا ہے دیدار روضے دا پاون لئی چلیا
ایہہ سوہنے نبی مصطفے دا دیوانہ ہے آقا نوں دکھڑے سناون لئی چلیا
Musafir Madine da rahi Arab da hai deedaar roze da pawan layi chaliya
Ehh sohne Nabi Mustafa da deewana hai aaqa noon dukhde sanawan layi chaliya
جدوں ہوئی آقا میرے دی حضوری تدوں ہوونی ایں تمنا پوری
ایہہ چم چم کے روضے دی جالی اوہ نوری ہجر والی آگ نوں بجھاون لئی چلیا
Jaduh hoee aaqa mere di hazoori tadon hooni ain tamanaa poori
Ehh cham cham ke roze di jali oh noori hijr wali aag noon bujhawaan layi chaliya
ایہہ دیکھے گا جا کے اوہ پیاریاں تھاواں جتھے رہن ہر ویلے لگیاں بہاراں
جتھے اون قدسی وی بن بن قطاراں اوہ اکھیاں نوں جلوے دکھاون لئی چلیا
Ehh dekhe ga ja ke oh piariya thaawan jithe rahan har wele lagiyaan baharan
Jithe oon qodsi wee ban ban qataaran oh akhiyaan noon jalwe dikhaawaan layi chaliya
پھرے گا جدوں وچ مدینے دیاں گلیاں تے کھل جانیاں سبھے دلدیاں کلیاں
جیہڑی جاتے لائیاں محمد نے تلیاں اوتھے سیس اپنا جھکاون لئی چلیا
Phire ga jadon wich Madine diyan galiyan te khul janiyan sabhe dildiyan kaliyan
Jihri jaate laiyan Muhammad ne taliyaan othe sees apna jhukan layi chaliya
اوہ دھرتی وی عالی جتھے وسدا دو جہاناں دا والی
دو عالم جیہدے ہین در دے سوالی اوتھے اپنی قسمت بناون لئی چلیا
Oh dharti wee aali jithe wasda do jahanan da wali
Do aalam jihde hin dar de sawali othe apni qismat banawan layi chaliya
کھلو دے گا جد باب رحمت چہ جاکے ایہنوں رحمتاں گھیر لبناں ایں آکے
مدینے شہر دے مسیحا دے در تے ایہہ سب روگ اپنے گواون لئی چلیا
Khalo de ga jad Bab-e-Rahmat chah ja ke ehnoon rehmatan gher labna ain aake
Madine shehar de Masiha de dar te ehh sab rogh apne gawaawaan layi chaliya
محمد دا دربار بلے بئی بلے جتھوں ملدے رحمت دے سودے سولے
جتھے موجاں لٹدے نے کملے تے جھلے ایہہ وی ناواں اوتھے لکھاون لئی چلیا
Muhammad da darbaar balle bi balle jithon milde rehmat de saude sole
Jithe mojan lutde ne kamle te jhalle Ehh vee nawaan othe likhawaan layi chaliya
پیام اج ایا اسے سرکار کولوں رہائی ملی غم دے آزار کولوں
نیازی دو عالم دے مختار کولوں ٹکٹ جنتاں دی کٹاون لئی چلیا
Payaam aj aaya us se Sarkar koloon rehai mili gham de aazaar koloon
Niazi do aalam de Mukhtar koloon ticket jannatan di kataawan layi chaliya
Share This Naat
Share with friends and family
مسافر مدینے دا راہی عرب دا ہے دیدار روضے دا پاون لئی چلیا
عبدالستار نیازی