اک رند ہے اور مدحت سلطان مدینہﷺ
ہاں کوئی نظر رحمت سلطان مدینہﷺ
Ik rand hai aur madhat-e-Sultan e Madina ﷺ
Haan koi nazar-e-rehmat Sultan e Madina ﷺ
تو صبح ازل آئینہ حسن ازل بھی
اے صل علی صورت سلطان مدینہﷺ
Tu subah-e-azal aaeena husn-e-azal bhi
Ae sol e ala soorat-e-Sultan e Madina ﷺ
اے خاک مدینہ تری گلیوں کے تصدق
تو خلد ہے تو جنت سلطان مدینہﷺ
Ae khaak-e-Madina teri galiyoon ke tasadduq
Tu khuld hai tu jannat Sultan e Madina ﷺ
ظاہر میں غریب الغربا پھر بھی یہ عالم
شاہوں سے سوا سطوت سلطان مدینہﷺ
Zahir mein ghareeb-ul-ghurba phir bhi ye alam
Shahon se siwa satwat-e-Sultan e Madina ﷺ
اس طرح کہ ہر سانس ہو مصروف عبادت
دیکھوں میں در دولت سلطان مدینہﷺ
Is tarah ke har saans ho masroof-e-ibadat
Dekhon mein dar-e-daulat Sultan e Madina ﷺ
کونین کا غم، یاد خدا، درد شفاعت
دولت ہے یہی دولت سلطان مدینہﷺ
Konain ka gham, yaad-e-Khuda, dard-e-shafaat
Daulat hai yehi daulat Sultan e Madina ﷺ
اس امت عاصی سے نہ منہ پھیر خدا یا
نازک ہے بہت غیرت سلطان مدینہﷺ
Is ummat-e-asi se na munh phair Khuda ya
Nazuk hai bohot gherat-e-Sultan e Madina ﷺ
اے جان بلب آمدہ، ہشیار، خبردار
وہ سامنے ہیں حضرت سلطان مدینہﷺ
Ae jaan balab aamada, hoshiyar, khabardar
Woh samne hain Hazrat-e-Sultan e Madina ﷺ
کچھ اور نہیں کام جگر مجھ کو کسی سے
کافی ہے بس اک نسبت سلطان مدینہﷺ
Kuch aur nahi kaam jigar mujh ko kisi se
Kaafi hai bas ik nisbat Sultan e Madina ﷺ
Share This Naat
Share with friends and family
اک رند ہے اور مدحت سلطان مدینہﷺ
جگر مراد آبادی