اک نظر ایسی بھی مجھ پر مرے آقاؐ ہو جائے
قطرہ دریا تو نہیں ہوتا ہے ‘ دریا ہو جائے
Ek nazar aisi bhi mujh par maray Aaqa ﷺ ho jaye
Qatra darya to nahi hota hai ' darya ho jaye
مُجھ سے گمراہ پہ بھی بابِ کرم وا ہو جائے
دین کے نُور سے روشن مری دنیا ہو جائے
Mujh se gumrah par bhi bab-e-karam wa ho jaye
Deen ke Noor se roshan meri duniya ho jaye
آپؐ کے وصف رگ و پے میں اُترتے دیکھوں
آپؐ کی طرح مری زندگی سادا ہو جائے
Aap ﷺ ke wasf rag-o-pe mai utartay dekhoon
Aap ﷺ ki tarah meri zindagi saada ho jaye
اسی حسرت میں گزرتے ہیں شب و روز مرے
جو کرم مجھ پہ ہُوا ہے وہ دوبارہ ہو جائے
Isi hasrat mai guzzarte hain shab-o-roz maray
Jo karam mujh pe hua hai wo dobara ho jaye
اشک آنکھوں سے جو ٹپکیں تو دُعا بن جائیں
اس قدر تڑپوں کہ ہر سانس تقاضا ہو جائے
Ashk aankhon se jo tapkein to dua ban jayein
Is qadar tarpoon ke har saans taqaza ho jaye
لب پہ آتا ہے تو ہر سانس میں بس جاتا ہے
دِل میں وہ نام اُتر جائے تو دِل کیا ہو جائے
Lab pe aata hai to har saans mai bas jata hai
Dil mai wo naam utar jaye to dil kya ho jaye
سُن کے پڑھنے لگیں قدسی بھی مرے ساتھ حنیفؔ
دَر خورِ نعت کوئی شعر تو ایسا ہو جائے
Sun ke parhne lagein Qudsi bhi maray saath Hanifؔ
Dar khur-e-naat koi she’r to aisa ho jaye
Share This Naat
Share with friends and family
اک نظر ایسی بھی مجھ پر مرے آقاؐ ہو جائے
حنیف اسعدی