حضور آئے کہ سرکشوں میں محبتوں کا سفیر آیا
پکار اٹھا کاروانِ عالم امیر آیا امیر آیا
Huzoor Aaye Ke Sarkashon Mein Mohabbatoun Ka Safeer Aaya
Pukaar Utha Kaarwan-e-Alam Ameer Aaya Ameer Aaya
زمین مارے خوشی کے جھومے ہَوا ادب سے زمیں کو چومے
چھتوں پہ مہمان عرشِ اُترا گھروں میں بدرِ منیر آیا
Zameen Maare Khushi Ke Jhoome Hawa Adab Se Zameen Ko Choome
Chhaton Pe Mehmaan Arsh-e-Utra Gharon Mein Badr-e-Muneer Aaya
بلا رہی ہے محبت اُس کی چلو کریں چل کے بیعت اُس کی
جو تھام لے گرتے آسماں کو وہ پیر وہ دستگیر آیا
Bula Rahi Hai Mohabbat Us Ki Chalo Karein Chal Ke Baiyat Us Ki
Jo Thaam Le Girte Aasmaan Ko Wo Peer Wo Dastgeer Aaya
اصول یکتا حیات یکتا عجیب ہے اُس کی ذات یکتا
کہ اُس کی یکتائی کے جلَو میں جلوسِ جمِ غفیر آیا
Usool Yakta Hayat Yakta Ajeeb Hai Us Ki Zaat Yakta
Ke Us Ki Yaktai Ke Jalw Mein Juloos-e-Jam-e-Ghafeer Aaya
بھڑکتے شعلے بھی شبنمی ہیں شجر حجر خیر مقدمی ہیں
بشر فقید المثال آیا نبی عدیم النّظیر آیا
Bhardakte Sholay Bhi Shabnami Hain Shajar Hajar Khair Maqdami Hain
Bashar Faqeed Al-Misaal Aaya Nabi Adeem Al-Nazeer Aaya
تصورِ عشق کائناتی تغیرات عمل ثباتی
مرید سلطانیاں بھی جس کی وہ فخرِ آدم فقیر آیا
Tasawwur-e-Ishq Kainati Taghayuraat Amal Sabati
Mureed Sultaniyaan Bhi Jis Ki Wo Fakhr-e-Adam Faqeer Aaya
مٹا دیئے سب غرور اُس نے عطا کیا وہ شعور اُس نے
کہ آپ اپنے مقابلے پر ہر آدمی کا ضمیر آیا
Mita Diye Sab Gharoor Us Ne Ata Kiya Wo Shaoor Us Ne
Ke Aap Apne Muqable Par Har Aadmni Ka Zameer Aaya
درندگی سے نجات پا کر چلا ہے انسان سر اُٹھا کر
تمدّنوں پر اُسی کا سایہ وہ آیا خیرِ کثیر آیا
Darindagi Se Nijat Pa Kar Chala Hai Insan Sar Utha Kar
Tamaddunon Par Usi Ka Saaya Wo Aaya Khair-e-Kaseer Aaya
حریفِ جاں کو پناہ دیدی فصیل زادوں کو راہ دیدی
دعائیں کیں اُس طرف روانہ‘ جدھر سے دشنام و تیر آیا
Hareef-e-Jaan Ko Panah Dedi Faseel Zaadon Ko Raah Dedi
Duaaein Keen Us Taraf Rawana, Jidhar Se Dushnaam o Teer Aaya
خدا نے بھیجا سلام جس پر اُتارا اپنا کلام جس پر
ہوا جریدہ تمام جس پر مظفر ایسا مُدیر آیا
Khuda Ne Bheja Salam Jis Par Utaara Apna Kalaam Jis Par
Hua Jareeda Tamaam Jis Par Muzaffar Aisa Mudeer Aaya
Share This Naat
Share with friends and family
حضور آئے کہ سرکشوں میں محبتوں کا سفیر آیا
مظفر وارثی