حسین زُبدہء نسلِ رسول ابنِ رَسُول
علی کے لاڈلے زہرا کے پھُول ابن رَسُول
Husain zubda e nasl e Rasool ibn e Rasool
Ali ke ladle zahra ke phool ibn e Rasool
حسن حسین ہی اَبْنَاءَنَا کے ہیں مِصداق
کہے گا اِن کو ہر اک با اُصول، ابنِ رَسُول
Hasan Husain hi abnaaena ke hain misaad
Kahe ga in ko har ak ba usool, ibn e Rasool
رواں ہر آنکھ سے اطفالِ اشک پُر سے کو
تِرے لیے دلِ عالم مَلُول، ابنِ رَسُول
Rawa har aankh se atfal e ashk pur se ko
Tere liye dil e alam malool, ibn e Rasool
ترا وجود ہے خود آیۃٗ مِّنَ الآیات
ہے کربلا تِری شانِ نُزول ، ابنِ رَسُول
Tera wujood hai khud ayat min al ayat
Hai Karbala teri shan e nuzul, ibn e Rasool
اگر تُو دوشِ رسالت پہ کھیلنا چاہے
تو دیں رَسُول بھی سجدے کو طول ابنِ رَسُول
Agar tu dosh e risalat pe khelna chahe
To den Rasool bhi sajde ko tole ibn e Rasool
ترے خلوصِ عمل سے سبق نہ سیکھ سکے
یہ دِیں فروش، یہ اُجرت وُصول ، ابنِ رَسُول
Tere khuloos e amal se sabaq na seekh sake
Ye deen farosh, ye ujrat wosool, ibn e Rasool
رَسُول بند نہ کرتے اگر یہ دروازہ
خدا گواہ تُو ہوتا رَسُول ابنِ رَسُول
Rasool band na karte agar ye darwaza
Khuda gawah tu hota Rasool ibn e Rasool
تجھے عَدُو بھی ملا تو عجیب سِفلہ مزاج
نہ کوئی شرم، نہ کوئی اُصول ، ابنِ رَسُول
Tujhe adu bhi mila to ajeeb sifla mizaj
Na koi sharam, na koi usool, ibn e Rasool
یہ قیصری تِرے پائے غَیُور کا دھوون
یہ سِیم و زر تِرے قدموں کی دُھول، ابنِ رَسُول
Ye qasri tere paye ghaoar ka dhuwan
Ye seem o zar tere qadmon ki dhool, ibn e Rasool
ہے تیرا بیتِ امامت مِرے جنوں کا مطاف
جبینِ عجز کا سجدہ قُبول ، ابنِ رَسُول
Hai tera baat e imamat mere junoon ka mataf
Jabeen e ajz ka sajda qubool, ibn e Rasool
نصیؔر کو نہ اُٹھانا اب اپنی چوکھٹ سے
بحق ِ فاطمہ زھرا بَتُول ، ابنِ رَسُول
Naseer ko na uthana ab apni chaukhat se
Bi haq e Fatima Zahra batool, ibn e Rasool
مہک اُٹھا ہے نصیؔر اِن کے دم سے باغِ جہاں
حسن حسین ہیں زہرا کے پھُول ، ابنِ رَسُول
Mehak utha hai Naseer in ke dam se bagh e jahan
Hasan Husain hain zahra ke phool, ibn e Rasool
Share This Naat
Share with friends and family
حسین زُبدہء نسلِ رسول ابنِ رَسُول
سید نصیرالدیں نصیر