ہم گنہ گاروں کو سرکار ؐ سنبھالے ہوں گے
حشر میں اُن کی شفاعت کے حوالے ہوں گے
Hum gunahgaaron ko Sarkaar ﷺ sambhalay honge
Hashar mein un ki shafaat ke hawalay honge
نُور آنکھوں میں تو چہروں پہ اُجالے ہوں گے
مصطفےٰ ؐ والوں کے انداز نرالے ہوں گے
Noor aankhon mein to chehron pe ujjalay honge
Mustafa ﷺ walon ke andaaz niralay honge
شافعِؐ حشر کی رحمت اُنہیں دھو ڈالے گی
جو ورق دفترِ اعمال کے کالے ہوں گے
Shafi'-e-Hashr ﷺ ki rehmat unhein dho dalay gi
Jo waraq daftar-e-aamaal ke kaalay honge
نزع میں اُن کے تصوّر سے مقدر چمکا
قبر میں اب تو اُجالے ہی اُجالے ہوں گے
Naza' mein un ke tasawwur se muqaddar chamka
Qabr mein ab to ujjalay hi ujjalay honge
نکتہ چیں شانِ رسالت کے، چھُپے مُوذی ہیں
آستینوں میں کبھی سانپ تو پالے ہوں گے؟
Nuktachin shaan-e-risalat ke, chupe Moozi hain
Aasteenon mein kabhi saanp to palay honge?
جو لُٹاتے ہیں محمدؐ پہ اثاثہ اپنا
اُن کی تحویل میں جنّت کے قبالے ہوں گے
Jo lutatay hain Muhammad ﷺ pe asasa apna
Un ki thameel mein jannat ke qabalay honge
دُکھ مٹاتا ہے فقط ایک اشارہ اُن کا
اب لبوں پر نہ وہ آہیں، نہ وہ نالے ہوں گے
Dukh mitata hai fakat ek ishara un ka
Ab labon par na wo aahen, na wo naalay honge
خُلد میں بھیڑ نظر آتی ہے خوش باشوں کی
میرے آقاؐ کے یہ سب ماننے والے ہوں گے
Khuld mein bheer nazar aati hai khush bashon ki
Mere aaqa ﷺ ke ye sab maan ne walay honge
ہم تو اِس شان سے پہنچیں گے درِ مولؐا تک
چہرے پر گردِ سفر، پاؤں میں چھالے ہوں گے
Hum to is shaan se pohanchain ge dar-e-Moula ﷺ tak
Chehre par gard-e-safar, paaon mein chhalay honge
خود کو ناموسِ محمدؐ پہ جو قربان کریں
خُلد کے والی و وارث وہ جیالے ہوں گے
Khud ko namoos-e-Muhammad ﷺ pe jo qurbaan karen
Khuld ke wali o waaris wo jialay honge
بخشوا لیں گے خدا سے اُنہیں محبوبِؐ خدا
طوق گردن میں غلامی کا، جو ڈالے ہوں گے
Bakhshwa lain ge Khuda se unhein Mehboob-e-Khuda ﷺ
Tawq gardan mein ghulami ka, jo dalay honge
جنّتی وہ ہیں جنہیں اُن کی شفاعت پہ یقیں
وہ جو مُنکر ہیں، جہنّم کے حوالے ہوں گے
Jannati wo hain jinhein un ki shafaat pe yaqeen
Wo jo munkir hain, jahannam ke hawalay honge
اُن کی ہر ایک صِفَت جب کہ ہے اعجاز، نصیرؔ!
اُن کی مِدحت کے بھی انداز نرالے ہوں گے
Un ki har ek sifat jab ke hai ejaaz, Naseer!
Un ki madhat ke bhi andaaz niralay honge
Share This Naat
Share with friends and family
ہم گنہ گاروں کو سرکار ؐ سنبھالے ہوں گے
سید نصیرالدیں نصیر