دیکھ کر روضۂِ سرکار کی رعنائی کو
موت آجاتی ہے ہر حسن کی زیبائی کو
Dekh kar rozah-e-sarkar ki raanayi ko
Maut aajati hai har husn ki zaybai ko
بندۂِ عشق ہے لازم ہے جبیں سائی کو
سنگِ در چاہئے ان کا سرِ سودائی کو
Bandah-e-ishq hai laazim hai jabeen saai ko
Sang-e-dar chahiye un ka sar-e-saudai ko
اے خیالِ رخِ جاناں تِرے صدقے جاؤں
تو نے آباد کیا ہے مِری تنہائی کو
Ay khayal-e-rukh-e-jaanam tere sadqay jaoon
Tu nay aabaad kiya hai meri tanhai ko
خواب میں آ کے کبھی جلوہ دکھاکر اپنا
محترم کیجئے آقا مِری بینائی کو
Khwab mein aa ke kabhi jalwah dikha kar apna
Muhtaram keejiye aaqa meri beenayi ko
آپ کے ساز کو کیا چاہئے وہ جانیں آپ
نعتِ سرکار پسند ہے مِری شہنائی کو
Aap ke saaz ko kya chahiye woh janiyn aap
Naat-e-sarkar pasand hai meri shehnayi ko
سیرتِ احمدِ مختار سے بہتر کیا ہے
عام کرنا ہے اگر دنیا میں اچھائی کو
Seerat-e-Ahmed-e-Mukhtar se behtar kya hai
Aam karna hai agar duniya mein achhai ko
کیا بتاؤں کہ تِرے زیرِ قدم ہے سب کچھ
آسماں بھی ہے بہت کم تری اونچائی کو
Kya bataoon ke tere zer-e-qadam hai sab kuch
Aasmaan bhi hai bohat kam teri oonchai ko
ان کی عظمت کوئی معراج کی شب سے پوچھے
لامکاں بھی تھا شفیقؔ اُن کی پذیرائی کو
Un ki azmat koi miraaj ki shab se poochhe
La makaan bhi tha Shafiq un ki pazeerayi ko
Share This Naat
Share with friends and family
دیکھ کر روضۂِ سرکار کی رعنائی کو
شفیق ؔ رائے پوری