ہم درِ یار پہ سر اپنا جھکا لیتے ہیں
سچ بتانا ارے دُنیا تیرا کیا لیتے ہیں
Hum dar-e-yar pe sar apna jhuka lete hain
Sach batana aray duniya tera kya lete hain
اُس کو آنکھوں پر بٹھاتے ہیں زمانے والے
جس کو محبوب خدا اپنا بنا لیتے ہیں
Us ko aankhon par bithaate hain zamane wale
Jis ko mehboob-e-Khuda apna bana lete hain
وقت کی قید نہیں ہیں یہ کرم کی باتیں
جب بھی سرکار کی مرضی ہو بلا لیتے ہیں
Waqt ki qaid nahi hain ye karam ki baatein
Jab bhi Sarkar ki marzi ho bula lete hain
غم کے ماروں کا طبیبو نہ کرو کوئی علاج
ہم غم عشق نبی میں بھی مزہ لیتے ہیں
Gham ke maaron ka tabibu na karo koi ilaaj
Hum gham-e-ishq-e-Nabi mein bhi maza lete hain
پتھرو تم تو ہو پتھر مگر آقا میرے
تم سے گر چاہیں تو کلمہ بھی پڑھا لیتے ہیں
Pathro tum to ho pathar magar Aaqa mere
Tum se gar chahein to kalima bhi padha lete hain
جب نہیں ملتی کہیں سے بھی سکوں کی دولت
تیری محفل تیرے دیوانے سجا لیتے ہیں
Jab nahi milti kahin se bhi sukoon ki daulat
Teri mehfil tere deewane saja lete hain
یہ بھی سرکار کی رحمت ہے کرم ہے اُن کا
ہم جہاں جائیں وہاں رنگ جما لیتے ہیں
Ye bhi Sarkar ki rehmat hai karam hai unka
Hum jahan jaayein wahan rang jamaa lete hain
گنبد خضری خدا تجھ کو سلامت رکھے
دیکھ لیتے ہیں تجھے پیاس بجھا لیتے ہیں
Gumbad-e-Khazra Khuda tujhe salaamat rakhe
Dekh lete hain tujhe pyas bujha lete hain
جب سے دیکھا ہے نیازی وہ ریاض الجنتہ
ہم تو گھر بیٹھے بھی جنت کی ہوا لیتے ہیں
Jab se dekha hai Niazi woh Riyaz-ul-Jannatah
Hum to ghar baithe bhi jannat ki hawa lete hain
Share This Naat
Share with friends and family
ہم درِ یار پہ سر اپنا جھکا لیتے ہیں
عبدالستار نیازی