خاکِ طیبہ کی اگر دل میں ہو وَقعت محفوظ
عیب کوری سے رہے چشمِ بصیرت محفوظ
Khaak-i-Taybah ki agar dil mein ho waq'at mehfooz
Ayb-e-kori se rahe chashm-e-baseerat mehfooz
دل میں روشن ہو اگر شمع وِلائے مولیٰ
دُزدِ شیطاں سے رہے دِین کی دولت محفوظ
Dil mein roshan ho agar shama vilaye Mawla
Duzd-e-Shaytan se rahe deen ki dolat mehfooz
یا خدا محو نظارہ ہوں یہاں تک آنکھیں
شکل قرآں ہو مِرے دل میں وہ صورت محفوظ
Ya Khuda mehve nigaara ho yahan tak aankhein
Shakal Qur'aan ho mere dil mein vo soorat mehfooz
سلسلہ زلف مبارک سے ہے جس کے دل کو
ہر بلا سے رکھے اللہ کی رحمت محفوظ
Silsila zulf-e-mubarak se hai jis ke dil ko
Har bala se rakhe Allah ki rehmat mehfooz
تھی جو اُس ذات سے تکمیل فرامیں منظور
رکھی خاتم کے لئے مہرِ نبوت محفوظ
Thi jo us zaat se takmeel-e-faraamein manzoor
Rakhi khaatim ke liye mehr-e-nabuwwat mehfooz
اے نگہبان مِرے تجھ پہ صلاۃ اور سلام
دو جہاں میں تِرے بندے ہیں سلامت محفوظ
Ae negahban mere tujh pe salaat aur salaam
Do jahan mein tere bande hain salaamat mehfooz
واسطہ حفظِ الٰہی کا بچا رہزن سے
رہے ایمانِ غریباں دمِ رحلت محفوظ
Waasta hifz-e-Ilahi ka bacha rahzan se
Rahe imaan-e-ghareebaan dam-e-rah.lat mehfooz
شاہیٔ کون و مکاں آپ کو دی خالق نے
کنز قدرت میں اَزَل سے تھی یہ دولت محفوظ
Shaahi-e-kawn o makaan aap ko di Khaaliq ne
Kanz qudrat mein azal se thi ye dolat mehfooz
تیرے قانون میں گنجائش تبدیل نہیں
نسنح و ترمیم سے ہے تری شریعت محفوظ
Tere qanoon mein gunjaa'ish tabdeel nahin
Nas.akh o tarmeem se hai teri shari'at mehfooz
جسے آزاد کرے قامتِ شہ کا صدقہ
رہے فتنوں سے وہ تا روزِ قیامت محفوظ
Jise aazaad kare qamat-e-shah ka sadaqah
Rahe fitnon se woh ta roz-e-qayaamat mehfooz
اس کو اَعدا کی عداوَت سے ضرر کیا پہنچے
جس کے دِل میں ہو حسنؔ اُن کی محبت محفوظ
Is ko a'da ki adaawat se zarar kya pohnche
Jis ke dil mein ho Hasan un ki mohabbat mehfooz
Share This Naat
Share with friends and family
خاکِ طیبہ کی اگر دل میں ہو وَقعت محفوظ
حسن رضا خان