ہو جائے اگر مُجھ پہ عِنایت مرے آقا
ہر آن کرُوں آپ کی مِدحت مرے آقا
Ho jaye agar mujh pe inayat mere aaqa
Har aan karoon aap ki midhat mere aaqa
کرتی رہُوں توصیف میں اُس شہرِکرم کی
اِس دل کی ہے بس ایک ہی حَسرت مرے آقا
Karti rahoon toseef mein us shehr-e-karam ki
Is dil ki hai bas aik hi hasrat mere aaqa
گر اذنِ حضُوری ہو تو دربار میں آؤں
اور چوُم لوں میں آپ کی چوکھٹ مرے آقا
Gar azn-e-huzoori ho to darbar mein aaoon
Aur choom loon mein aap ki chaukhat mere aaqa
جی بھر کے کرُوں گُنبدِ خضرا کا نظارہ
آنکھوں میں بھروں سَبز وہ رنگت مرے آقا
Ji bhar ke karoon gunbad-e-khazra ka nazara
Aankhon mein bharoon sabz woh rangat mere aaqa
سو جاؤں کسی شب تو کُھلیں میرے مقدر
اورخواب میں ہو جائے زیارت مرے آقا
So jaoon kisi shab to khulen mere muqaddar
Aur khawab mein ho jaye ziarat mere aaqa
اِک بار جو دیکھوں رخِ انور کی جَھلک میں
پھر 'ناز کو مل جائے گی راحت مرے آقا
Ik baar jo dekhoon rukh-e-anwar ki jhalak mein
Phir 'Naaz ko mil jaye gi rahat mere aaqa
Share This Naat
Share with friends and family
ہو جائے اگر مُجھ پہ عِنایت مرے آقا
صفیہ ناز