ہو گیا کس سے بھرا خانہء زہرا خالی
چل دیا آپ، مگر کر گیا دُنیا ، خالی
Ho gaya kis se bhara khana-e-Zahra khali
Chal diya aap, magar kar gaya duniya, khali
خون سے اپنے دمِ سجدہ اُگا کر گُلشن
تُو نے رہنے نہ دیا دامنِ صحرا ، خالی
Khoon se apne dam-e-sajda uga kar gulshan
Tu ne rehne na diya daman-e-sahara, khali
اللہ اللہ وہ شبیر کا زورِ بازو
ایک ہی وار میں کر دی صفِ اعدا ، خالی
Allah Allah wo Shabbir ka zor-e-bazu
Ek hi waar mein kar di saf-e-aada, khali
لَوٹ کر آئیں گے کب تک کہ سکینہ ہے اُداس
پُوچھ لیتا کوئی عبّاس سے اتنا ، خالی
Laut kar aayenge kab tak ke Sakeena hai udaas
Poochh leta koi Abbas se itna, khali
اَدْرِکیْ فاطمہ، یا فاطمہ! کہہ کر روئیں
دیکھا زینب نے جو آتے ہوئے گھوڑا خالی
Adreki Fatima, ya Fatima! keh kar royein
Dekha Zainab ne jo aate hue ghora khali
گوُنجتی ہیں وہی "نانا" کی صدائیں پیہم
تیری یادوں سے نہیں گُنبدِ خَضرٰی خالی
Goonjti hain wohi "Nana" ki sadaen paiham
Teri yaadon se nahin gumbad-e-Khazra khali
کربلا ہو کہ نجف ہو وہ عرب ہو کہ عجم
ہم نے دیکھی نہ تِرے غم سے کوئی جا، خالی
Karbala ho ke Najaf ho wo Arab ho ke ajam
Hum ne dekhi na tere gham se koi ja, khali
جو بھی آیا ، اُسے کھُل کر مِرے مولیٰ نے دیا
کس کے دامن کو مِرے شاہ نے چھوڑا ، خالی
Jo bhi aaya, use khul kar mere Maula ne diya
Kis ke daman ko mere Shah ne chhoda, khali
وہ تو اِک سجدہء شبیر نے رکھ لی عزّت
ورنہ ہو جاتی خدا والوں سے دُنیا ، خالی
Wo to ik sajda-e-Shabbir ne rakh li izzat
Warna ho jati khuda walon se duniya, khali
تیری اوقات ہی کیا اے سپہِ شام و دمشق
جب یہ گُزریں ، تو مَلک بھی کریں رستہ ، خالی
Teri auqaat hi kya ae sipah-e-Shaam o Damascus
Jab ye guzren, to malak bhi karen rasta, khali
سیم و زر اُن کو مِلے جن کو ہوس ہو اِس کی
مجھ کو دینا ہے ، تو دے اُن کی تمنّا ، خالی
Seem o zar un ko mile jinko havas ho is ki
Mujh ko dena hai, to de un ki tamanna, khali
اصغر و اکبر و عبّاس، و سکینہ کے طفیل
بھیک مِل جائے کہ کشکول ہے اپنا، خالی
Asghar o Akbar o Abbas, o Sakeena ke tafaul
Bheek mil jaye ke kashkol hai apna, khali
آل و اصحاب کا سایہ تِرے سر پہ نصیؔر !
تیرا دامن نہ رہا ہے ، نہ رہے گا خالی
Aal o Ashab ka saya tere sar pe Nasir!
Tera daman na raha hai, na rahega khali
Share This Naat
Share with friends and family
ہو گیا کس سے بھرا خانہء زہرا خالی
سید نصیرالدیں نصیر