شبابِ خلد کے سردار ہیں امامِ حسن
عقیدتوں کے سزاوار ہیں امامِ حسن
Shabaab-e-Khuld ke sardar hain Imam-e-Hasan
Aqeedaton ke sazawar hain Imam-e-Hasan
ہمیں بھی اپنے غلاموں میں کیجئے گا شمار
کہ ہم بھی آپ کے حبدار ہیں امامِ حسن
Hamen bhi apne ghulamon mein kijiye ga shumaar
Ke hum bhi aap ke hibdar hain Imam-e-Hasan
مزار ان کا زیارت گہِ ملائک ہے
بقیعِ پاک میں ضوبار ہیں امامِ حسن
Mazaar unka ziayarat gah-e-malaik hai
Baqee' pak mein zubaar hain Imam-e-Hasan
سخی، کریم لئیق و نفیس اور قانع
شفیق و منبعِ ایثار ہیں امامِ حسن
Sakhi, kareem, laa'iq-o-nafees aur qani
Shafeeq-o-manba-e-eesar hain Imam-e-Hasan
وہ کامیاب ہیں ان کا نصیب ہے منزل
کہ جن کے قافلہ سالار ہیں امامِ حسن
Woh kamyaab hain unka naseeb hai manzil
Ke jin ke qafila saalar hain Imam-e-Hasan
ابو تراب کے بیٹے حسین کے بھائی
نواسۂ شہِ ابرار ہیں امامِ حسن
Abu Turaab ke betay Husain ke bha'i
Nawaasa-e-Shah-e-abrar hain Imam-e-Hasan
کبھی ستایا نہیں خوفِ تیرگی نے ہمیں
دِلوں میں صاحبِ انوار ہیں امامِ حسن
Kabhi sataya nahin khauf-e-teeragi ne hamen
Dilon mein sahib-e-anwar hain Imam-e-Hasan
Share This Naat
Share with friends and family
شبابِ خلد کے سردار ہیں امامِ حسن
اشفاق احمد غوری