دیارِ خلد میں جاہ و حشم حسین کا ہے
دیارِ خلد کا ہر پیچ و خم حسین کا ہے
Diyaar-e-Khold mein jaah o hashm Husain ka hai
Diyaar-e-Khold ka har paich o kham Husain ka hai
خوشی یہ ہے کہ غلامانِ آل سے ہیں ہم
حریمِ قلب میں حالانکہ غم حسین کا ہے
Khushi yeh hai ke ghulaman-e-aal se hain hum
Hareem-e-qalb mein haalaanke gham Husain ka hai
بھلائے کیسے کوئی داستانِ کرب و بلا
لہو شفق پہ ابھی تک رقم حسین کا ہے
Bhulaaye kaise koi daastaan-e-Karb o Bala
Lahu shafaq pe abhi tak raqam Husain ka hai
وہ میرے قلب کو دیتا ہے راحتوں کے گہر
جو دل پہ ثبت ہے نقشِ قدم حسین کا ہے
Wo mere qalb ko deta hai raahaton ke gehar
Jo dil pe sabt hai naqsh-e-qadam Husain ka hai
عدو کی نام وری خاک ہو گئی لیکن
جو سر بلند رہا ہے علم حسین کا ہے
Adu ki naam wari khaak ho gayi lekin
Jo sar buland raha hai alam Husain ka hai
چھڑایا نارِ جہنم سے حر کو لمحوں میں
فدائے آلِ نبی پر کرم حسین کا ہے
Chhuraaya Naar-e-Jahannum se Hur ko lamhon mein
Fidaaye aal-e-nabi par karam Husain ka hai
حضورِ پاک، علی، فاطمہ، حسین، حسن
گھرانہ سارا بڑا محترم حسین کا ہے
Huzoor-e-pak, Ali, Fatima, Husain, Hasan
Gharana saara bara mohtaram Husain ka hai
یزیدیت کے دیے بجھ بجھا گئے کب کے
چراغِ عشق مگر تازہ دم حسین کا ہے
Yazeediyat ke diye bujh bujha gaye kab ke
Chiraagh-e-ishq magar taaza dam Husain ka hai
Share This Naat
Share with friends and family
دیارِ خلد میں جاہ و حشم حسین کا ہے
اشفاق احمد غوری