Manqabat
کیوں کر نہ ہوں معیارِ سخا فاطمہ زہرا
کیوں کر نہ ہوں معیارِ سخا فاطمہ زہرا
ہیں دخترِ محبوبِؐ خدا فاطمہ زہرا
Kyoon kar na hoon miyaar-e-sakha Fatima Zahra
Hain dokhtar-e-mehboob-e-ؐ khuda Fatima Zahra
ہیں نُورِ محمدؐ بخدا ، فاطمہ زہرا
محشر میں ہیں رحمت کی گھٹا فاطمہ زہرا
Hain noor-e-Muhammadؐ bikhuda, Fatima Zahra
Mahshar mein hain rehmat ki ghata Fatima Zahra
مادر ہیں وہ زینب کی حسین اور حسن کی
ہیں آلِ محمدؐ کی رِدا فاطمہ زہرا
Madar hain woh Zainab ki Hussain aur Hassan ki
Hain Aal-e-Muhammadؐ ki rida Fatima Zahra
پُوچھا جو کسی نے کہ ہیں خاتونِ جِناں کون ؟
آہستہ سے رضواں نے کہا ، فاطمہ زہرا
Pocha jo kisi ne keh hain khatoon-e-jinan kaun?
Aahista se Rizwan ne kaha, Fatima Zahra
ایک ایک نظر حاملِ صد لُطف و کرم ہے
ہیں وارثِ فیضان و عطا فاطمہ زہرا
Ek ek nazar haamil-e-sad lutf o karam hai
Hain waaris-e-fayzan o ata Fatima Zahra
ہے اُن کا ہے اکسیر پئے ردِّ بلیّات
ہیں درد کی میرے بھی دوا فاطمہ زہرا
Hai unka hai akseer pa-e-radd-e-baliyyat
Hain dard ki mere bhi dawa Fatima Zahra
اوصافِ حمیدہ میں وہ ممتاز ہیں سب سے
ہیں جُملہ خواتیں سے جُدا فاطمہ زہرا
Awsaf-e-Hameeda mein woh mumtaz hain sab se
Hain jumla khawateen se juda Fatima Zahra
دیتی ہے وفائے حَسَنَین اِس کی شہادت
ہر لمحہ تھیں راضی بہ رِضا فاطمہ زہرا
Deti hai wafa-e-Hasnain is ki shahadat
Har lamha thein raazi bah rida Fatima Zahra
اب تو ہے نصیؔر اُں سے عقیدت کا یہ عالَم
ہر حال میں ہے وِرد مِرا "فاطمہ زہرا "
Ab to hai Naseer un se aqeedat ka yeh aalam
Har haal mein hai werd mera "Fatima Zahra"
Share This Naat
Share with friends and family
کیوں کر نہ ہوں معیارِ سخا فاطمہ زہرا
سید نصیرالدیں نصیر