ہو چاہے اک زمانہ کسی رہنما کے ساتھ
ہم ہیں قسم خدا کی فقط مصطفیٰ ﷺ کے ساتھ
Ho chahe aik zamaana kisi rehnuma ke saath
Hum hain kasm Khuda ki faqat Mustafa ﷺ ke saath
مزل پہ ہم نہ پہنچے تو پہنچے گا اور کون ؟
ہم جادہء سفر میں ہیں کس پیشوا کے ساتھ
Manzil pe hum na pohnchay to pohnchay ga aur kaun?
Hum jaada-e-safar mein hain kis paishwa ke saath
یہ ساری کائنات ہے لولاک آشنا
منسوب ہر چراغ ہے نور الہدیٰ ﷺ کے ساتھ
Yeh saari kainaat hai Lolak aashna
Mansoob har charagh hai Noor-ul-Huda ﷺ ke saath
رشتہ ہر ایک صبح کا شمس الضحیٰ ﷺ سے ہے
ہر شب کو ربطِ خاص ہے بدرالدجیٰ ﷺ کے ساتھ
Rishta har aik subh ka Shams-ud-Duha ﷺ se hai
Har shab ko rabt-e-khas hai Badar-ud-Duja ﷺ ke saath
ممکن نہیں کہ بابِ کرم اس پہ وَا نہ ہو
شامل اگر ہو حسنِ عقیدت دُعا کے ساتھ
Mumkin nahi ke Bab-e-Karam is pe wa na ho
Shaamil agar ho husn-e-aqeedat duaa ke saath
ہم جانتے ہیں کیا ہے تقاضائے بندگی
صلِ علیٰ کا ورد بھی ذکر خدا کے ساتھ
Hum jaante hain kya hai taqazaa-e-bandagi
Salli ala ka wird bhi zikr e Khuda ke saath
اقبؔال نعت گوئی بھی اک شرف ہے مگر
لازم ہے اتباع بھی مدح و ثنا کے ساتھ
Iqbal naat goyi bhi aik sharaf hai magar
Laazim hai ittebaa bhi madah o sana ke saath
Share This Naat
Share with friends and family
ہو چاہے اک زمانہ کسی رہنما کے ساتھ
پروفیسراقبال عظیم