ہو اگر مدحِ کف پا سے منور کاغذ
عارضِ حور کی زینت ہو سراسر کاغذ
Ho agar mad'h-e-kaf pa se munawwar kagaz
Aarz-e-hoor ki zeenat ho sarasar kagaz
صفت خارِ مدینہ میں کروں گل کاری
دفتر گل کا عنادِل سے منگا کر کاغذ
Sifat khaar-e-Madina mein karoon gul kaari
Daftar gul ka anaadil se manwa kar kagaz
عارضِ پاک کی تعریف ہو جس پرچہ میں
سو سیہ نامہ اُجالے وہ منور کاغذ
Aarz-e-paak ki tareef ho jis parcha mein
So siyaah naamah ujale wo munawwar kagaz
شامِ طیبہ کی تجلی کا کچھ اَحوال لکھوں
دے بیاضِ سحر اک ایسا منور کاغذ
Shaam-e-Taybah ki tajalli ka kuch ehwal likhoon
De beaaz-e-sehar ek aisa munawwar kagaz
یادِ محبوب میں کاغذ سے تو دل کم نہ رہے
کہ جدا نقش سے ہوتا نہیں دَم بھر کاغذ
Yaad-e-mehboob mein kagaz se to dil kam na rahe
Ke juda naqsh se hota nahi dam bhar kagaz
وَرَقِ مہر اُسے خط غلامی لکھ دے
ہو جو وَصف رُخِ پُر نور سے اَنور کاغذ
Waraq-e-mehr usay khat ghulami likh de
Ho jo wasf rukh-e-pur noor se anwar kagaz
تِرے بندے ہیں طلبگار تری رحمت کے
سن گناہوں کے نہ اے داورِ محشر کاغذ
Tere banday hain talabgaar teri rehmat ke
Sun gunaahon ke na aye dawar-e-mahshar kagaz
لب جاں بخش کی تعریف اگر ہو تجھ میں
ہو مجھے تارِ نفس ہر خط مسطر کاغذ
Lab-e-jaan bakhsh ki tareef agar ho tujh mein
Ho mujhe taar-e-nafas har khat mastar kagaz
مدحِ رخسار کے پھولوں میں بسا لوں جو حسنؔ
حشر میں ہو مِرے نامہ کا معطر کاغذ
Mad'h-e-rukhsaar ke phoolon mein basa loon jo Hassan
Hashr mein ho mere naamah ka muattar kagaz
Share This Naat
Share with friends and family
ہو اگر مدحِ کف پا سے منور کاغذ
حسن رضا خان