بروزِ حشر غلاموں کا راز فاش نہ ہو
بھرم ہمارا سرِ حشر پاش پاش نہ ہو
Baroz-e-Hashr ghulamon ka raaz faash na ho
Bharam hamara sar-e-Hashr paash paash na ho
بھلاؤں یادِ شہِ ذی وقار جس لمحے
وہ ایک لمحہ مری زندگی میں کاش نہ ہو
Bhulaoon yaad-e-Shahe Zi Waqar jis lamhe
Wo aik lamha meri zindagi mein kaash na ho
حضور آپ کے قدمین میں قلم میرا
سخن شعار ہو لیکن سخن تراش نہ ہو
Huzoor aap ke qadmain mein qalam mera
Sakhan shaar ho lekin sakhan taraash na ho
مرا غرور بنیں حرفِ نعت محشر میں
مدیحِ سرورِ عالم مرا معاش نہ ہو
Mera gharoor banein harf-e-naat Mahshar mein
Madihe Sarwar-e-Aalam mera maash na ho
ہر ایک شخص تری جستجو میں سر گرداں
ہے کون جس کو ترے قرب کی تلاش نہ ہو
Har aik shakhs teri justuju mein sar gardaan
Hai kaun jisko tere qurb ki talaash na ho
بلایا جائے سرِ حشر جب غلام ترا
ترے غلام کی رسوائی کا تماش نہ ہو
Bulaya jaye sar-e-Hashr jab ghulam tera
Tere ghulam ki ruswai ka tamash na ho
حضوریاں ہوں ترے در پہ اس قدر کامل
جبیں جھکے تو مرے دل میں ارتعاش نہ ہو
Huzooriyan hon tere dar pe is qadar kaamil
Jabeen jhuke to mere dil mein irta'aash na ho
Share This Naat
Share with friends and family
بروزِ حشر غلاموں کا راز فاش نہ ہو
اشفاق احمد غوری