حضورؐ نے شجرِ سایہ دار میں رکھا
مجھے بلایا اور اپنے دیار میں رکھا
Huzoor ﷺ ne shajar-e-saya dar mein rakha
Mujhe bulaya aur apne dayar mein rakha
پہونچ کے شہرِ مدینہ یہ کام پہلے کیا
خزاں کے درد کو صحنِ بہار میں رکھا
Pohanch ke shehar-e-madina yeh kaam pehle kiya
Khazan ke dard ko san-e-bahar mein rakha
وہی وکیل ہوا بارگاہِ عالی میں
وہ اک یقیں جو دلِ بے قرار میں رکھا
Wohi wakeel hua bar-gah-e-aali mein
Woh ek yaqeen jo dil-e-ba-karar mein rakha
میں جتنا فخر کروں کم ہے، میرے آقا نے
مجھے بھی اپنے حساب و شمار میں رکھا
Main jitna fakhr karoon kam hai, mere aaqa ne
Mujhe bhi apne hisaab-o-shumar mein rakha
مرے حضورؐ نے کیا کچھ نہیں دیا مجھ کو
سکون جان میں، دل کو قرار میں رکھا
Mere huzoor ﷺ ne kya kuch nahi diya mujh ko
Sukoon jaan mein, dil ko karar mein rakha
پڑھا درود بہت، اور اس طرح خود کو
جوارِ رحمتِ پروردگار میں رکھا
Parha durood bohot, aur is tarah khud ko
Jawar-e-rehmat-e-parwardigar mein rakha
کرم تو دیکھئے احساں تو دیکھئے اُن کا
مجھے خزاں سے نکالا بہَار میں رکھا
Karam to dekhiye ehsaan to dekhiye un ka
Mujhe khazan se nikaala bahar mein rakha
Share This Naat
Share with friends and family
حضورؐ نے شجرِ سایہ دار میں رکھا
اختر لکھنوی