حاضر ہوں جان و دل سے خدا کی جناب میں
بیٹھا ہوا ہوں گوشہء حسن المآب میں
Haazir hoon jaan o dil se Khuda ki janab mein
Baitha hua hoon goshah-e-husn ul-maab mein
سجدوں کی آنکھ سے کیا اس کا مشاہدہ
ساری کتاب پڑھ گیا امّ الکتاب میں
Sajdon ki aankh se kya us ka mushaahidah
Saari kitaab parh gaya Umm ul-kitaab mein
کتنی ہے خوش نصیب تہی دامنی مری
رحمت اتر رہی ہے دعا کے جواب میں
Kitni hai khush naseeb tehi daamani meri
Rehmat utar rahi hai dua ke jawaab mein
اسکی طلب نہ ٹوٹنے والا ہے سلسلہ
تعبیر میں ہے خواب کہ تعبیر خواب میں
Uski talab na tootne waala hai silsila
Taabeer mein hai khwab ke taabeer-e-khwab mein
ربِّ عُلا کا حکم ہے پیمانہء عمل
گنجائشیں نہ ڈھونڈھ شریعت کے باب میں
Rab-e-ula ka hukm hai paimana-e- amal
Gunjaishen na dhoondh shariyat ke baab mein
کرتا رہوں مطالعہء مرضی خدا
سب سے اہم یہ لفظ ہے پورے نصاب میں
Karta rahoon mutaala-e-marzi Khuda
Sab se aham yeh lafz hai poore nasaab mein
نیّت کو اپنی ٹھیک مظفر رکھا کرو
نیّت کا فاصلہ ہے گناہ و ثواب میں
Niyyat ko apni theek Muzaffar rakha karo
Niyyat ka faasla hai gunaah o sawaab mein
Share This Naat
Share with friends and family
حاضر ہوں جان و دل سے
مظفر وارثی