حیاتی مینوں جے ہووے عطا ہور
کراں آقا تے مولا دی ثنا ہور
Hayati menu je hove ata hor
Karaan aaqa te maula di sana hor
سنیھا آپ دا پڑاواں تھاں تھاں
بنیرے دا کراں کجھ تے اپا ہور
Suniha aap da parhaan thaan thaan
Baneray da karaan kujh te apa hor
زیویں تے کھنڈ دا جاوے نعت دا نور
تے ہوندا جاوے جگ تے چاننا ہور
Zeeven te khand da jaave naat da noor
Te honda jaave jag te channan hor
وکھاوے رہ اوہ نور و نور سیرت
اگانہاں کجھ تے ودھے ایہہ سلسلا ہور
Vikhaave reh oh noor o noor seerat
Agahan kujh te vadhe eh silsila hor
اوہ پیکر شعر تائیں دیوے مہکاں
اوہ اسوہ سوچ نوں دیوے ضیا ہور
Oh paiker she'r tain dewe mehakaan
Oh aswa soch nu dewe zia hor
کریم آقا نوں اپنا حال دساں
سناواں قوم دا کجھ ماجرا ہور
Kareem aqa nu apna haal dasaan
Sanaawan qaum da kujh maajra hor
وچاراں تے اے غلبہ عقل والا
قرینے عشق دے مینوں سکھا ہور
Vicharan te ae ghalba aql wala
Qareene ishq de menu sikha hor
پرانی لیک تے کد تیک چلّاں
نویں اسمان کجھ مینوں وکھا ہور
Purani leek te kad teek challaan
Navein asmaan kujh menu vikha hor
مینوں دے ہور کجھ اپنی محبت
مرے کشکول دے وچ خیر پا ہور
Menu de hor kujh apni mohabbat
Mere kashkol de vich khair paa hor
نہ اوہلے ہووے نظروں سبز گنبد
تے کھیتر پیار دا ہووے ہرا اہور
Na ohle hove nazran sabz gunbad
Te khetrar piyaar da hove hara ahor
محبت اپنی دے پر لا کے مینوں
رضا دے امبراں ولّے اڈا ہور
Mohabbat apni de par la ke menu
Raza de ambraan valle uddaa hor
مری جند ڑی اے پیاسی اوڑکاں دی
توں بدل رحمتاں والا وسا ہور
Meri jind rri ae pyaasi ourkan di
Tu badal rehmatan wala wasaa hor
میں کس نوں جا کے دل دا حال دساں
ہے کیہڑا تیں جیہا درد آشنا ہور
Main kis nu ja ke dil da haal dasaan
Hai kehra te jeha dard aashna hor
تری امت دے وی دن رات بدلن
فیر ایسا معجزہ کوئی وکھا ہور
Teri ummat de ve din raat badlan
Feer aesa maujza koi vikha hor
شریعت والا سِکّہ چلے ایتھے
وطن میرے نوں سوہنے رنگ لاہور
Shari'at wala sikka challe ithe
Watan mere nu sohne rang Lahore
دعا کر خاص کوئی رب دے اگے
دوا پوہندی نہیں کوئی سیّدا ہور
Duaa kar khaas koi rab de agge
Dawaa pohndi nahi koi Saiyida hor
نرالی شے اے دُوری وچ حضوری
جدائی وچ ملے مینوں مزا ہور
Narali shae ae doori vich huzoori
Judaai vich mile menu maza hor
مزا ایہہ ہور ودھ جائے جے آقا
بنے عکسِ مدینہ میرا لاہور
Maza eh hor vadh jaaye je aaqa
Bane aks-e-Madina mera Lahore
کدی نہ دور تیرے در توں ہوواں
تڑپ میری مرے مولا ودھا ہور
Kadi na door tere dar tu hovan
Tarrap meri mere maula vadha hor
تعلق میرا ربّا توڑ چاہڑیں
کریں اینی عنایت مالکا ہور
Taluq mera rabba toor chahrain
Karein eni inayat malika hor
درود آقا تے پڑھدیاں جان ہاراں
نہ رکّھاں دل دے اندر کوئی چا ہور
Darood aaqa te padhan jaan haraan
Na rakhan dil de andar koi cha hor
نبیؐ دے درتے ٹُٹے ساہ دی ڈوری
کوئی حسرت نہیں ہن ایہدے سوا ہور
Nabiؐ de darte tute saah di dori
Koi hasrat nahi han ehdde siwaa hor
دعا توں ہن ثنا ول موڑ واگاں
نبیؐ دے پیار دا کر حق ادا ہور
Duaa tu han sana wal mod vaagaan
Nabiؐ de piyaar da kar haq ada hor
Share This Naat
Share with friends and family
حیاتی مینوں جے ہووے عطا ہور
حفیظ تائب