ہر چند بندگی کی جزا ہی کچھ اور ہے
تقلیدِ مصطفیٰ ﷺ کا صلہ ہی کچھ اور ہے
Har chand bandagi ki jaza hi kuch aur hai
Taqleed-e-Mustafaa ﷺ ka sila hi kuch aur hai
لطفِ غزل بھی خوب ہے اپنی جگہ مگر
توصیفِ مصطفیٰ کا مزا ہی کچھ اور ہے
Lutf-e-ghazal bhi khoob hai apni jagah magar
Tauseef-e-Mustafaa ka maza hi kuch aur hai
جنت کی نعمتوں سے میں منکر نہیں ‘ مگر
شہرِ نبیﷺ کی آب و ہوا ہی کچھ اور ہے
Jannat ki nematon se main munkir nahi, magar
Shehr-e-Nabi ﷺ ki aab-o-hawa hi kuch aur hai
عشقِ رسولؐ کیا ہے مسیحا کو کیا خبر
اس دردِ جانفزا کی دوا ہی کچھ اور ہے
Ishq-e-Rasool ﷺ kya hai maseeha ko kya khabar
Is dard-e-jaan-fiza ki dawa hi kuch aur hai
طوفِ حرم کے وقت بھی تھا طیبہ دھیان میں
دربارِ مصطفیٰ کی فضا ہی کچھ اور ہے
Tawaf-e-haram ke waqt bhi tha tayyaba dhyaan mein
Darbaar-e-Mustafaa ki fiza hi kuch aur hai
شاہی سے بے نیاز‘ فقیری میں سرفراز
اس در کے سائلوں کی ادا ہی کچھ اور ہے
Shaahi se be-niyaaz, faqiri mein sarfaraz
Is dar ke saailon ki ada hi kuch aur hai
اس در پہ بھیک ملتی ہے بے حد و بے طلب
سرکارؐ کا مزاج عطا ہی کچھ اور ہے
Is dar pe bheek milti hai be had-o-be talab
Sarkar ﷺ ka mizaj-ata hi kuch aur hai
قدموں سے اُن کے بڑھ کے لپٹ جاؤ عاصیو
آقاؐ کی شانِ عفوِ خطا ہی کچھ اور ہے
Qadmon se un ke barh ke lipat jao aasio
Aqaa ﷺ ki shaan-e-afw-e-khata hi kuch aur hai
عمرہ ہو اس سفر کا سبب یا مشاعرہ
اس شوق اور کشش کی بنا ہی کچھ اور ہے
Umrah ho is safar ka sabab ya mashaira
Is shauq aur kashish ki bana hi kuch aur hai
ملکِ حجاز‘ شہرِ نبیﷺ بابِ جبرئیل
اقباؔل نعت گو کا پتا ہی کچھ اور ہے
Mulk-e-Hijaaz, Shehr-e-Nabi ﷺ Bab-e-Jibraeel
Iqbal naat go ka pata hi kuch aur hai
Share This Naat
Share with friends and family
ہر چند بندگی کی جزا ہی کچھ اور ہے
پروفیسراقبال عظیم