حیاتِ دل کا ذریعہ حضور کا مداح
برائے دہر مسیحا حضور کا مداح
Hayaate dil ka zariya Huzoor ka madaah
Baraye daher maseeha Huzoor ka madaah
بہ فیضِ مصرعِ توصیفِ چہرۂِ والشّمس
بحورِ نور میں ڈوبا حضور کا مداح
Ba faize misra'e tauseef'e chehra'e wals-shams
Bahoor'e noor mein dooba Huzoor ka madaah
ہو کعب ،ابنِ رواحہ ، رضا ہو یا جامی
ہے روحِ شوق کا کعبہ حضور کا مداح
Ho Kaab, Ibn'e Rawaha, Raza ho ya Jami
Hai rooh'e shauq ka Kaaba Huzoor ka madaah
ہمیشہ گرمیِٔ تذلیل سے رہا محفوظ
بہ فیضِ ظِلِّ "رَفَعنا "حضور کا مداح
Hamesha garmi'e tazleel se raha mehfooz
Ba faize zill "Rafa'na" Huzoor ka madaah
سنا کے مدحتِ جلوہ گہِ " یُزَکّیھِم "
دلوں کو کرتا ہے ستھرا حضور کا مداح
Suna ke medhat'e jalwa gah'e "Yuzakkiyhum"
Dilon ko karta hai suthra Huzoor ka madaah
ثنائے صاحبِ "وَالعَصر " میں کہاں تخصیص؟
ہے یعنی سارا زمانہ حضور کا مداح
Sana'e sahib'e "Wal Asr" mein kahan takhsees?
Hai yaani saara zamana Huzoor ka madaah
سجی ہے محفلِ میثاق ، سامعیں مرسل
ہوا ہے بانی ِجلسہ حضور کا مداح
Saji hai mehfil'e meesaaq, saameen mursal
Hua hai bani e jalsa Huzoor ka madaah
نوائے نورِ ثنائے نبی سے کرتا ہے
حریمِ جاں میں اجالا حضور کا مداح
Nawa'e noor'e sana'e nabi se karta hai
Hareem'e jaan mein ujala Huzoor ka madaah
حقیر کو جو معظمؔ بنانا چاہا تو
اسے خدا نے بنایا حضور کا مداح
Haqeer ko jo Muazzam banana chaha to
Usay khuda ne banaya Huzoor ka madaah
Share This Naat
Share with friends and family
حیاتِ دل کا ذریعہ حضور کا مداح
معظم سدا معظم مدنی